ن. نازاربايەۆ تۇركى كەڭەسىنىڭ باس حاتشىسى لاۋازىمىنا ۇسىنىلعان كانديداتۋرانى قولدادى

استانا. قازاقپارات - ەلباسى نۇرسۇلتان نازاربايەۆ تۇركى كەڭەسىنىڭ جاڭا باس حاتشىسى لاۋازىمىنا ازەربايجان ۇسىنعان كانديداتۋرانى قولدادى.

بۇل جايىندا پرەزيدەنت بۇگىن تۇركيالىق بودرۋم قالاسىندا تۇركى تىلدەس مەملەكەتتەردىڭ ىنتىماقتاستىق كەڭەسىنىڭ ءتورتىنشى سامميتىندە ايتتى.

«ەندى تۇركى كەڭەسىن ينستيتۋتسيونالدىق تۇرعىدان نىعايتۋ ماسەلەسىنە توقتالعىم كەلەدى. تۇركى كەڭەسىنىڭ تولىققاندى ينتەگراتسيالىق ۇيىم رەتىندە قالىپتاسۋىنا ءبارىمىز مۇددەلىمىز. بيىل ۇيىمنىڭ تۇڭعىش باس حاتشىسى حاليل اكىنجى مىرزانىڭ وكىلەتتىك مەرزىمى اياقتالىپ وتىر.

ءبىز ونىڭ بۇل قىزمەتىن جوعارى باعالايمىز جانە سول ءۇشىن العىس ايتامىز. سونداي-اق باس حاتشى لاۋازىمىنا ازەربايجان ەلى ۇسىنعان راميل گاسانوۆ مىرزانىڭ كانديداتۋراسىن قولدايمىز»، - دەدى ەلباسى.

اۆتور: رۋسلان عابباسوۆ