افريكالىق باقسى رونالدۋدىڭ الەم چەمپيوناتىنا بارماۋى ءۇشىن كۇرەسۋدە
"ءتورت اي بۇرىن كريشتيانۋدى "مۋنديالعا" جىبەرمەيمىن دەپ ايتقان بولاتىنمىن. بۇگىن ونىڭ تىزەسى اۋىرسا، ەرتەڭ بەلى، ودان كەيىن تاعى ءبىر جەرى سىر بەرەدى. ونىڭ جاراقاتىن ەشقانداي دارىگەر ەمدەي المايدى. وتكەن اپتادا ارنايى پەرى جاساپ شىعارۋ ءۇشىن ءتورت ءيت ىزدەپ قايتتىم. بۇنى مەن شىنىمەن جاساپ جاتقانىمدى بىلىڭدەر"، - دەيدى باقسى جىگىت، شەت ەلدىك اقپارات قۇرالدارىنا بەرگەن سۇحباتىندا.
اقپارات قۇرالدارىنىڭ جازۋىنشا، گانالىق نانا كۆاكۋ بونسام افريكاداعى ەڭ اتاقتى باقسى سانالادى. ول اقپان ايىندا- اق رونالدۋدىڭ الەم چەمپيوناتىنا بارماي، گانا قۇراماسىنا قارسى ويناماۋى ءۇشىن بارىن سالاتىنىن ايتقان ەكەن.
كريشتيانۋ رونالدۋ جاقىندا عانا جاتتىعۋلاردىڭ بىرىندە جاراقات الىپ قالعان بولاتىن. سول سەبەپتى گرەكيامەن بولعان جولداستىق كەزدەسۋگە (0:0) شىعا الماعان ەدى. رونالدۋ الەم چەمپيوناتى الدىنداعى پورتۋگاليانىڭ ەكى بىردەي دايىندىق كەزدەسۋىنە دە قاتىسا المايدى.
ەستەرىڭىزگە سالا كەتسەك، پاۋلۋ بەنتۋ باپتايتىن پورتۋگالدىقتار "G" توبىندا گەرمانيا، گانا جانە ا ق ش قۇرامالارىمەن سىنعا تۇسەتىن بولادى.
دايىنداعان: نۇرجىگىت ايدارحان
massaget
