بودرۋمدا تۇركىتىلدەس مەملەكەتتەر ىنتىماقتاستىعى كەڭەسىنىڭ ءتورتىنشى ءسامميتى باستالدى
فورۋم جۇمىسىن اشقان تۇركيا پرەزيدەنتى ابدۋللا گۇل بارلىق دەلەگاتتارعا وسى فورۋمنىڭ جۇمىسىنا قاتىسقاندارى ءۇشىن العىس ءبىلدىردى.
ول سونىمەن بىرگە، تۇركىتىلدەس مەملەكەتتەردىڭ ىنتىماقتاستىق كەڭەسىنىڭ ءتورتىنشى ءسامميتى تۇركى كەڭەسىنە مۇشە مەملەكەتتەردىڭ ودان ارعى ىنتىماقتاستىعىنا جاڭا سەرپىن بەرەدى دەپ اتاپ ءوتتى. تۇركيا رەسپۋبليكاسىنىڭ باسشىسى وعان مۇشە مەملەكەتتەر اراسىندا ءتۇرلى باعىتتاردا ىنتىماقتاستىقتىڭ ماڭىزىن اتاپ ءوتتى. جەكەلەي العاندا، ول ەكونوميكا، الەۋمەتتىك جانە مادەني سالالارداعى ىنتىماقتاستىقتى نىعايتۋدىڭ ماڭىزدىلىعىن اتاپ ءوتتى.
ەسكە سالا كەتەيىك، بۇل وتىرىستىڭ باستى تاقىرىپتارىنىڭ ءبىرى تۋريزمدى دامىتۋ سالاسىنداعى ىنتىماقتاستىق ماسەلەلەرى. تۇركى كەڭەسىنىڭ حاتشىلىعى حابارلاعانداي، وسىعان دەيىن تاراپتار «تۇركى كەڭەسى - زاماناۋي جىبەك جولى» دەگەن اتاۋمەن بىرلەسكەن، ورتاق تۋر پاكەتتى قابىلداۋعا كەلىسكەن بولاتىن. سونىمەن بىرگە، وسى سالادا بىرلەسكەن ءبىلىم بەرۋ باعدارلامالارى مەن بىلىكتىلىكتى ارتتىرۋ كۋرستارىن جۇرگىزۋ تۋرالى كەلىسىمگە قول جەتكىزىلدى. تۇركى كەڭەسىنىڭ اياسىندا جەكە سەكتورلار اراسىندا ءتۇرلى باعىتتاردا ىنتىماقتاستىقتى تەرەڭدەتىپ، ودان ءارى دامىتۋ ءۇشىن تۋريزمدى دامىتۋ بويىنشا ىسكەرلىك قاۋىمداستىعىن قۇرۋ جوسپارلانىپ وتىر.
