ت. بالىقبايەۆ: ۇ ب ت كەزىندە تۇلەكتەردى ءتىنتىپ، شەشىندىرۋ فاكتىسى ورىن العان جوق

استانا. قازاقپارات - ۇلتتىق ءبىرىڭعاي تەست كەزىندە تۇلەكتەردى ءتىنتىپ، شەشىندىرۋ فاكتىسى ورىن العان جوق. بۇل تۋرالى ق ر ءبىلىم جانە عىلىم ۆيتسە- ءمينيسترى تاحير بالىقبايەۆ ءمالىم ەتتى.

«قازىرگى ۋاقىتتا اتا- انالار پروكۋراتۋراعا ءوتىنىش جازدى. پروكۋراتۋرا تەكسەرسىن، ءبىزدىڭ  ناقتى دەرەگىمىز بويىنشا بالانى تىنتىگەن، شەشىندىرگەن فاكتى بولعان جوق. ءبىراق پروكۋراتۋرا تولىق تەكسەرسىن، شەشسىن، سودان كەيىن سىزدەرگە ناتيجەسىن ايتامىز» ، - دەدى ول ب ا ق وكىلىنىڭ وقۋشىلاردى ۇ ب ت- عا كىرەردى شەشىندىرىپ، تەكسەرۋ فاكتىسىنىڭ ورىن الۋىنا قاتىستى ساۋالىنا.

سونىمەن قاتار ۆيتسە- مينيستر جۋرناليستىڭ كەيبىر قىز بالالاردىڭ جىلاپ، تەلەارنالارعا بەرگەن سۇحباتىنا قاتىستى دا ساۋالىنا جاۋاپ بەردى.

«بالالاردىڭ نەگە جىلايتىنىن بىلەسىزدەر مە؟ 99 بال الامىن دەگەن بالا 35 بال العان  كەزدە جىلاي بەرەدى. سوندىقتان بۇل جەردە بالانىڭ ەمتيحان بىتكەننەن كەيىن جىلاعانى ناتيجەگە بايلانىستى ما الدە ەمتيحان الدىندا بولعان جايتقا بايلانىستى ما ەكەندىگىن انىقتاۋ كەرەك. تەكسەرسىن، كورسىن، ءبىزدىڭ ەش قارسىلىعىمىز جوق» ، -  دەدى ت. بالىقبايەۆ.

اۆتور: مارلان جيەمباي