12:45, 05 - ماۋسىم 2014 | GMT +5
تاجىكستانعا اۋعانىستانمەن اراداعى شەكارا بەكىنىسىن كۇشەيتۋگە قازاقستان كومەكتەسپەك
استانا. قازاقپارات- ت م د ەلدەرىنىڭ باسشىلارى تاجىكستانعا اۋعانىستانمەن ەكى اراداعى شەكارا بەكىنىسىن كۇشەيتۋگە قول ۇشىن بەرەتىن بولدى. بۇل اقپاراتتى جۋىردا ا ق ش تا راستادى.
ت م د ەلدەرىنىڭ اتقارۋ كوميتەتىنىڭ اقپاراتىنا سايكەس، ارمەنيا، بەلارۋس، قازاقستان، قىرعىزستان، رەسەي جانە تاجىكستان باسشىلارى ورتاق قۇجاتقا قول قويدى.
ت م د ەلدەرى مەن اۋعانىستاننىڭ اراسىنداعى شەكارا 1344 شاقىرىمدى قۇرايدى. بۇل كەلىسىم الدىمەن، ناتو اسكەرىنىڭ اۋعان ەلىنەن كەتۋىمەن بايلانىستى. كابۋلدا جانە باگرام بازاسىندا شوعىرلانعان ا ق ش كۇشتەرى ەلدەن كەتكەننەن كەيىن تەرروريستتىك شابۋىلداردىڭ قاۋپى كۇشەيە تۇسەدى.
سونداي- اق، كۇتىلگەندەي، اۋعانىستان مەن ا ق ش اراسىندا قاۋىپسىزدىك تۋرالى كەلىسىمگە ءالى دە بولسا قول قويىلعان جوق. سوندىقتان، تاجىكستان ءۇشىن شەكارا قاۋىپسىزدىگى باستى ماسەلەگە اينالدى.
«استانا» ارناسى
