ۋكراينا پرەزيدەنتى: شيەلەنىستى رەتتەۋ جوسپارىم بار

استانا. قازاقپارات - ۋكراينانىڭ جاڭا سايلانعان پرەزيدەنتى پەتر پوروشەنكو ءوزىن ۇلىقتاۋ سالتاناتىنان سوڭ ۋكراينانىڭ شىعىسىنداعى شيەلەنىستى شەشۋدىڭ بەيبىت جوسپارىن جاريالايتىنىن مالىمدەدى.

شيەلەنىستى رەتتەۋ ءۇشىن ول بيلىكتى ورتالىقسىزداندىرۋ، جەرگىلىكتى بيلىك ورىندارىنا سايلاۋلار وتكىزۋ جانە جاپپاي راقىمشىلىق جاريالاۋ جوسپارى بارىن ايتادى.

 پەتر پوروشەنكو بۇل جوسپارىن 4 - ماۋسىم كۇنى پولشاعا بارعانىندا ا ق ش، كانادا جانە ەۋروپا ەلدەرىنىڭ باسشىلارىمەن تالقىلاعانىن ايتتى. ونىڭ سوزىنشە، تالقىلاۋلار وسى اپتانىڭ سوڭىندا فرانسيادا، اتالعان ەلدەردىڭ باسشىلارى ەكىنشى دۇنيەجۇزىلىك سوعىستا وداقتاس ەلدەردىڭ نورماندياعا اسكەر ءتۇسىرۋ وقيعاسىنا 70 جىل تولۋىنا ارنالعان جيىنعا بارعاندا جالعاسپاق.

ۆارشاۆادا باسپا ءسوز جيىنىندا پوروشەنكو فرانسيادا ءوزىنىڭ رەسەي پرەزيدەنتى ۆلاديمير پۋتينمەن كەزدەسۋ جوسپارى جوعىن، ءبىراق جولىعىپ قالۋى مۇمكىندىگىن جوققا شىعارمايتىنىن ايتتى. نورماندياداعى شاراعا پۋتين دە بارادى.

پوروشەنكونى ۇلىقتاۋ سالتاناتى 7 - ماۋسىم كۇنى ۋكراينا پارلامەنتىندە وتەدى.

«ازاتتىق»