قازاقستان حالقى لايىقتى ءومىر ءسۇرۋى كەرەك - ا. بەكبوسىن
«ماعان بارىنەن بۇرىن، پرەزيدەنتتىڭ قازاقستاننىڭ قانداي دا ءبىر جەكە ەرەكشەلىكتەرىنە - ۇلتتىق نەمەسە ءدىني ەرەكشەلىگىنە قاراماستان، بارلىق ازاماتتار ءۇشىن قولايلى ءالى ءقاۋىپسىز مەكەنگە اينالۋى كەرەك دەگەن سوزدەرى ەرەكشە بولدى. جانە وسى جەردە مەنىڭ ويىما ەرىكسىز وتكەن عاسىردىڭ 80-جىلدارىنىڭ سوڭىندا دامىعان سوتسياليزم تۋرالى ايتقان سوزدەرى ورالادى. سول كەزدەگى شۆەتسيانى «دامىعان سوتسياليزم ەلى» دەپ اتادى. ول جۇرت الدىندا جاريا ەتىلمەسە دە، ءىس جۇزىندە ناعىز سوتسياليستىك ەل بولىپ، وندا ءوز ازاماتتارىنىڭ تولىققاندى ءومىر ءسۇرۋى ءۇشىن بارلىق جاعدايلار جاسالدى» ، - دەدى. ا. بەكبوسىن.
«پرەزيدەنتتىڭ جاڭا جولداۋىنان مەن ءبىزدىڭ مەملەكەتتىڭ ساياساتىن ءبىزدىڭ حالىقتىڭ تۇرمىسىنداعى بارلىق قارىم- قاتىناسىندا قولايلى جاعدايدى جاساۋعا دەگەن ۇمتىلىستى بايقادىم. لايىقتى ەڭبەكاقى، قولايلى جانە قولجەتىمدى باسپانا، ءبىلىم بەرۋ، مەديتسينا، زاماناۋي تەحنولوگيالىق يننوۆاتسيالار. مەنىڭشە، كوپتەگەن قيىندىقتى باستان كەشىرگەن ءبىزدىڭ كوپ ۇلتتى حالقىمىز ءوز ەلىندە تىنىش ءارى باقۋاتتى ءومىر سۇرۋگە لايىقتى» ، - دەپ قوستى ا. بەكبوسىن.
ونىڭ سوزىنە قاراعاندا، ول ءۇشىن بارلىق جاعدايلار مەن العىشارتتار پايدالى قازبالارعا باي اۋقىمدى اۋماعى، ويلاستىرىلعان مەملەكەتتىك دامۋ ستراتەگياسى، بەيبىت تۇراقتى جاعداي، باستىسى - ەڭبەكسۇيگىش جانە شىدامدى حالقى بار.
«ءبىز ءومىر سۇرەتىن قاتاردىڭ «دامىعان سوتسياليزم ەلى» نەمەسە «دامىعان كاپيتاليزم» دەپ اتالاتىندىعى ماڭىزدى ەمەس. ماڭىزدىسى، ءبىزدى ورتاق تاعدىر، جالپى ۇلتتىق ماڭگىلىك ەل يدەياسى بىرىكتىرىپ تۇرۋى ءۇشىن قازاقستاندىقتاردىڭ وزدەرىن ءبىرتۇتاس حالىق دەپ سەزىنۋى. مەملەكەت باسشىسى جولداۋدا مادەنيەت، تاريح پەن ءتىلدىڭ تۇتاستىعى تاۋەلسىز قازاقستاننىڭ باستى يگىلىكتەرىنىڭ ءبىرى ەكەندىگىن كورسەتكەن» ، - دەيدى ا. بەكبوسىن.
ا. بەكبوسىن جامبىل وبلىسى بايزاق اۋدانىنىڭ تۋماسى. جامبىل وبلىسىنىڭ قۇرمەتتى ازاماتى. جۋرناليست، جازۋشى، دراماتۋرگ، اقىن، اۋدارماشى. ون جىل بويى «اق جول» وبلىستىق گازەتىنىڭ باس رەداكتورى بولدى. قازاق ك س ر جوعارى كەڭەسىنىڭ 13- شاقىرىلىمىنىڭ دەپۋتاتى، ق ر پارلامەنتى ءماجىلىسىنىڭ دەپۋتاتى بولدى.
