بەكحەم فۋتبولعا قايتا ورالماق
2013 - جىلى سپورتتىق مانسابىن پاريجدىك «پسج» - دا اياقتاعان اعىلشىن قۇراماسىنىڭ ەكس- كاپيتانى وسىعان دەيىن امەريكالىق MLS چەمپيوناتىندا كلۋب قۇرىپ جاتقانى تۋرالى حابارلاعان بولاتىن. 2017 - جىلدان باستاپ جوعارعى ليگادا ويناۋعا مۇمكىندىك الاتىن كومانداسىن ءوزى باستاپ شىعۋعا نيەتتى ەكەن.
- الاڭدا فۋتبول ويناپ ءجۇرىپ، باپكەرلىك قىزمەتتى اتقارىپ جۇرگەن فۋتبول ماماندارىن بىلەمىن. ال كلۋب قوجايىنى كومانداسىندا ويناپ ءجۇر دەگەندى ەستىمەپپىن. بالكىم، مەن ءبىرىنشىسى بولاتىن شىعارمىن، - دەدى فۋتبولشى تىلشىلەرگە بەرگەن سۇحباتىندا.
كوپتەگەن بۇقارالىق اقپارات قۇرالى دەۆيد بەكحەمنىڭ بۇل قادامىن كلۋبتىڭ ابىرويىن كوتەرۋ ءۇشىن جاساپ وتىرعانىن جازۋدا. مۇمكىن سولاي دا شىعار. ايىپ سوققىسىنان تالاي شەشۋشى گولدى سوققان فۋتبولشى ءالى جانكۇيەر قاۋىم جادىنان ۇمىتىلعان جوق. ويىنىن قايتا كورگىسى كەلەتىندەر دە تابىلارى بەلگىلى.
دايىنداعان: ومىربەك سانسىزباي
massaget
