تولاسسىز جاۋىن رەسەيدى جايپاپ جاتىر

استانا. قازاقپارات - ءسىبىردىڭ وڭتۇستىگىندە سوڭعى جارتى عاسىردا بولماعان تاسقىننىڭ سالدارىن جويۋ جۇمىسى جالعاسۋدا. تولاسسىز جاۋعان جاۋىن- شاشىن بىردەن رەسەيدىڭ 4 ولكەسىن باسىپ قالدى،

 دەپ حابارلايدى ك ت ك ارناسى.

تابيعات اپاتىنان 2 ادام مەرت بولىپ، تاعى تورتەۋى ءىز- ءتۇسسىز جوعالىپ كەتكەن. 20 مىڭ ادام قاۋىپسىز ايماققا كوشىرىلىپ، شىعىن كولەمى ەسەپتەلۋدە. قۇيىپ جاۋعان جاڭبىر ءسىبىر، التاي رەسپۋبليكاسى، تىۆا مەن حاكاسيانىڭ قۇتىن قاشىرعان. جاۋىن- شاشىن سالدارىنان تاۋ وزەندەرى تاسىپ، جاقىن ماڭداعى جەلدەردىڭ بارلىعىن شايىپ كەتتى. توتەنشە جاعداي ماماندارى اپاتتى ايماقتا قۇتقارۋ جۇمىستارىن جۇرگىزىپ، گۋممانيتارلىق كومەك تاسىمالداۋدا. ال سۋ دەڭگەيى تۇسكەن سوڭ، تۇرعىندار ءوز باسپاناسىنا ورالۋدا. ءبىراق 8 مىڭعا جۋىق نىساندى ءالى دە سۋ باسىپ جاتىر.