قازاقستان، ازەربايجان جانە تۇركىمەنستان تابيعي گازدى جەتكىزەتىن ماڭىزدى مەردىگەرلەر - ا ق ش مەم دەپارتامەنتى

باكۋ. قازاقپارات - موزامبيك، تانزانيا، جەرورتا تەڭزىندە تابىلعان قورعا قاراماستان قازاقستان، ازەربايجان جانە تۇركىمەنستان  تابيعي گازدى جەتكىزەتىن ماڭىزدى مەردىگەرلەر بولىپ تابىلادى.

بۇل تۋرالى باكۋدە «مۇناي، گاز، كاسپي مۇنايىن قايتا وڭدەۋ جانە مۇناي حيمياسى» حالىقارالىق كونفەرەنسياسىندا ا ق ش مەملەكەتتىك دەپارتامەنتىنىڭ ەنەرگەتيكالىق رەسۋرستار بيۋروسىنىڭ اعا كەڭەسشىسى دانيەل شتاين مالىمدەدى.  (Caspian Oil&Gas 2014)

سونىمەن قاتار، د. شتاين ازەربايجاننىڭ  گازدى اۋقىمدى كولەمدە وتكىزۋگە ازىرلىگىن اتاپ ءوتتى. «شاحدەنيز-2» جوباسى بويىنشا قورىتىندى ينۆەستيسيالىق شەشىمىنە قول قويىلعانى جايلى دا ەسكە سالدى. 

مەم دەپارتامەنتتىڭ وكىلى وڭتۇستىك گاز ءدالىزى گازدى ەۋروپاعا وتكىزۋگە كومەكتەسەتىنىن اتاپ ءوتتى.   بۇل قۇبىرمەن وتەتىن العاشقى 10 ميلليارد تەكشە مەتر ازەربايجاندىق گاز باستاپقى كەزەڭ عانا، كەيىن وعان يراك پەن تۇركىمەنستاننىڭ قوسىلۋى مۇمكىن.

د. شتاين ەۋرو وداقتىڭ ازەربايجان، تۇركىمەنستان جانە ە و اراسىنداعى ءۇش جاقتى كەلىسىمگە قول قويۋ نيەتىنە قولداۋ كورسەتەتىنىن ءبىلدىردى.