شىمكەنتتەگى مادەني شارانىڭ سوڭى مادەنيەتسىزدەۋ اياقتالدى

استانا. قازاقپارات - شىمكەنتتىك تۇرعىندار تەگىن جۇمىرتقا ءۇشىن جاعا جىرتىسۋعا دەيىن باردى.

1 - ماۋسىم بالالاردى قورعاۋ كۇنىنە وراي، «شىمكەنت قۇس» كومپانياسى ءاربىر اناعا ەكى قوراپتان جۇمىرتقا تەگىن تاراتقان.

قالانىڭ قاق ورتاسىنداعى ساۋدا ورتالىعى ەسىگىنە ىلىنگەن «انالارعا الپىس جۇمىرتقا» دەگەن جارنامانى كورگەن تۇرعىندار سول كۇنى ءوتىپ جاتقان اكسيا ورنىنا اعىلعان.

ءسويتىپ مادەني شارانىڭ سوڭى مادەنيەتسىزدەۋ اياقتالدى.

تەگىن جۇمىرتقانى الىپ قالۋ ءۇشىن شىمكەنتتە ناعىز تارتىس باستالدى. «بالالار كۇنىنەن وراي تەك انالارعا عانا بەرىلەدى» دەگەن الپىس جۇمىرتقانى الۋعا ءتىپتى ەر ازاماتتار دا كەلىپتى. حالىق تەگىن دۇنيەگە مە، الدە شىن مانىندە ءبىر داناسى جيىرما تەڭگەدەن ساتىلاتىن جۇمىرتقادان پايدا تاپقىسى كەلدى مە، ۇيلەستىرۋدىڭ ارتى جاعا جىرتىسقا دەيىن بارعان.

ءبىر-ءبىرىن تاپتاپ، باسىپ كەتە جازداعان جاعدايدان ءابۇيىر بولعاندا ادام شىعىن بولماپتى.

سالتانات قاراكوزوۆا، و ق و ءى ءى د-نىڭ ءباسپا ءسوز حاتشىسى:

ەشبىر ازاماتتار ىشكى ىستەر ورگاندارىنا ارىزدانباعان. ال بولعان كىشكەنتاي جاعداي بولسا، ولار ءوز ارالارىندا شەشىپ كەتتى.

العاشقىدا ءبارى ويداعىداي باستالدى. كەزەككە تۇرعان تۇرعىندار كومپانيانىڭ سىيلىعىنا قول جەتكىزىپ، العىس جاۋدىرىپ جاتقان-دى. كەنەت تەگىن جۇمىرتقادان قاعىلعىسى كەلمەگەندەر اكسيانىڭ شىرقىن بۇزىپ جىبەرگەن. ۇزىن-سونار كەزەككە تۇرعاندار ءوزارا سوزگە ىلىگىسىپ، سوڭى جۇدىرىقتاسۋعا دا دەيىن بارعان. اقىرىندا، ۇيىمداستىرۋشىلار كوپشىلىكتى توقتاتا الماي قالدى.

مايرا، «شىمكەنت قۇس» ج ش س ديرەكتورىنىڭ ورىنباسارى:

 بۇگىن ەندى مەرەكە ەمەس پە؟ بالالاردىڭ كۇنى بولسا، ول انالاردىڭ دا كۇنى. سول ءۇشىن دە ءبىز ءار كىسىنىڭ قولىنا وسىلاي تاراتتىق.

تالاسىپ، تارتىسقان اكسيا وسىلايشا نەبارى قىرىق مينۋتقا عانا جالعاستى. ءىس شارانىڭ سوڭى داۋعا اينالىپ كەتەتىنىن ءبىلدى مە، ايتەۋىر ۇيىمداستىرۋشىلار لەزدە اشىلماعان قوراپتى قايتا كولىككە تيەپ، جينالعان توپتان ازەر قاشىپ قۇتىلدى.

ەرلان قۋاندىقوۆ، ەرجان سەيدازيموۆ.

«31-ارنا»