يسلام قازاقستان رەكوردىن جاڭارتتى

قىزىلوردا. قازاقپارات - يتاليانىڭ گروسسەتو قالاسىندا مۇمكىندىگى شەكتەۋلى سپورتشىلار اراسىندا جەڭىل اتلەتيكادان گران-پري حالىقارالىق جارىسى ءوتتى.

وعان 28 ەلدىڭ سپورتشىلارى قاتىستى.

ايتۋلى سىندا قازاقستان قۇراما كومانداسىنىڭ قۇرامىندا ونەر كورسەتكەن قىزىلوردالىق، حالىقارالىق دارەجەدەگى سپورت شەبەرى يسلام ساليموۆ 400 مەترگە جۇگىرۋدەن قولا جۇلدەنى يەلەنىپ، قازاقستان رەكوردىن جاڭارتتى.

ال ۇزىندىققا سەكىرۋدەن چەمپيون اتانسا، 200 مەترگە جۇگىرۋدەن ءتورتىنشى ورىنعا يە بولدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

يسلامنىڭ باپكەرى، ق ر ەڭبەك سىڭىرگەن جاتتىقتىرۋشىسى يۋري موشەيەۆتىڭ ايتۋىنشا، يسلام قازان ايىندا كورەيادا بولاتىن ازيا ويىندارىنا قاتىسادى.

اۆتور: ەلۋباي اۋەزوۆ