قاسىم- جومارت توقايەۆ باستاعان سەناتورلار «مۇقاعالي» دراماسىن ىقىلاسپەن تاماشالادى

استانا. قازاقپارات - ق ر پارلامەنتى سەناتىنىڭ ءتوراعاسى قاسىم- جومارت توقايەۆ باستاعان سەناتورلار مەن اپپارات قىزمەتكەرلەرى استاناداعى ق. قۋانىشبايەۆ اتىنداعى اكادەميالىق مۋزىكالىق- دراما تەاترىندا بولدى، دەپ حابارلادى پالاتانىڭ باسپا ءسوز قىزمەتى.

پوەتيكالىق «مۇقاعالي» دراماسىن ىقىلاسپەن تاماشالاعان سەناتورلار اكتەرلەردىڭ شەبەرلىگى مەن رەجيسسەردىڭ تاپقىر شەشىمدەرىن جوعارى باعالادى.

«ءسوز ونەرىن قاستەرلەيتىن كوپتەگەن ۇرپاقتىڭ كوكەيىندەگى ويدى جەتكىزگەن اقيىق اقىن مۇقاعالي ماقاتايەۆتىڭ شىعارمالارى زور ىقىلاس تۋعىزادى. «مۇقاعالي» دراماسىندا ءبىزدىڭ كورنەكتى وتانداسىمىزدىڭ شىعارماشىلىق جولىنداعى بارلىق بەل- بەلەستەرى تۇگەلدەي كورىنىس تاپقان. قازاق مۋزىكالىق دراما تەاترىنىڭ ساحنا شەبەرلەرىنە تابىسقا جەتە بەرۋلەرىنە تىلەكتەستىگىمدى جەتكىزگىم كەلەدى» ، - دەدى ق. توقايەۆ.

اۆتور: سەرىك قاراجان