بيىلعى جازدا قازاقستان مەن وزبەكستان ارالىعىندا حالىقارالىق پويىز جۇرە باستايدى

استانا. قازاقپارات - «جولاۋشىلار تاسىمالى» بيىل قوسىمشا جۇردەك پويىزداردىڭ بەس باعدارىن ىسكە قوسادى.

 بۇل تۋرالى بۇگىن «تۋريزم كۇنىن قولداۋ» تاقىرىبىنداعى دوڭگەلەك ۇستەلدە «جولاۋشىلار تاسىمالى» ا ق- نىڭ اتقارۋشى ديرەكتورى اسىلحان قالدىكوزوۆ ءمالىم ەتتى.

«ءبىزدىڭ جۇمىسىمىزدىڭ نەگىزگى باعىتتارىنىڭ ءبىرى جۇردەك جولاۋشىلار قوزعالىسىن دامىتۋعا ارنالعان. استانادا جولاۋشىلار ۆاگونىن ءوندىرۋ بويىنشا «تۇلپار» زاۋىتى ىسكە قوسىلعانىن بىلەسىزدەر. بۇگىندە كومپانيا 300 دەن استام ۆاگوندى ساتىپ الدى. 2020 -جىلعا دەيىن 1 مىڭنان استام جولاۋشىلار ۆاگونىن ساتىپ الۋ كوزدەلىپ وتىر» ، - دەدى ول.

 اتقارۋشى ديرەكتوردىڭ سوزىنە قاراعاندا، بۇگىندە جۇردەك قوزعالىستاردىڭ سانىن ارتتىرۋ اياسىندا «الماتى- پەتروپاۆل» ، «استانا- اقتوبە» ، «الماتى- اتىراۋ» جانە «استانا- اتىراۋ» باعدارلارى ىسكە قوسىلدى.

«جوسپار بويىنشا بيىل قوسىمشا بەس باعدار قوسىلادى. تامىزدا «تۇلپار- تالگو» ۆاگوندارىنان جاساقتالعان «الماتى- تاشكەنت» حالىقارالىق پويىزىن ىسكە قوسۋ جوسپارلانىپ وتىر» ، - دەدى ا. قالدىكوزوۆ.

اۆتور: رۋسلان عابباسوۆ