قازاق جىگىتتەرى نەلىكتەن ۇساقتالىپ بارادى؟
جاستاردىڭ قىڭىر باسقان ىزدەرىن، تەرىس ىستەگەن ىستەرىن تۇزەتىپ، اقىل- كەڭەستەرىن ايامايتىن. ولاردىڭ ءجۇرىس- تۇرىستارى وسكەلەڭ ۇرپاققا دا ۇلگى بولاتىن.
سول كەزدە ەسىمدە قالعان ءبىر جايت اۋىلدا ءبىر تەنتەك جىگىت بولدى، سودان ىعىر بولعان كىسىلەر ميليتسياعا وتىرعىزساق قايتەدى دەپ ءسوز سالعاندا اۋىل اقساقالدارى ء«بىر اۋىلعا ءبىر تەنتەك كەرەك» دەپ اۋىل ادامدارىنا باسۋ ايتاتىن. ءبىز ول كەزدە بۇل ءسوزدىڭ ماعىناسىن تۇسىنبەي اقساقالداردان سۇراعاندا ولار «اۋىلدا ءبىر تەنتەك بولعان دۇرىس سەبەبى سىرت جاقتاعى ادامدارعا ايبار بولادى» دەپ جاۋاپ بەرەتىن.
ارينە «مەكالاي» زامانىن كورگەن، ازامات سوعىسىن، ۇجىمداستىرۋ، اشتىقتى، قۋعىن - سۇرگىندى، سوعىستى، تىڭدى باستارىنان وتكەرگەن اقساقالداردىڭ پىكىرلەرىن ءجون سانايتىنبىز.
راسىندا اۋىلعا باسقا جاقتان كەلگەن «كوكسوققاندار» سول جىگىتتەن ىقسىنىپ، ۋ- شۋسىز ەلىنە كەتەتىن. شىنىندا تەنتەك اعامىز سوڭىنا جىگىتتەر ەرتە بىلەتىن، ايتقانىن ىستەتە بىلەتىن ازامات ەدى.
قازىر قازاق ەلىندە سوڭىنان بۇحارا حالىقتى ەرتە الاتىن جىگىتتەر بار ما؟ وتكەندە رەسەيدىڭ جيرينوۆسكي مەن ليمونوۆتىڭ شاتپاعىنا ەشكىم دە جاۋاپ بەرە المادى نەمەسە اتوي سالاتىن ەر جىگىت تە تابىلماي قالدى. ۇيات بولدى. ارينە ولارعا جاۋاپ بەرۋ رەسمي ورگانداردىڭ ءىسى. دەگەنمەن ۇلتتىق ۇستانىم بولۋى كەرەك قوي.
ال مىنانداي الماعايىپ زاماندا بۇحارا حالىقتى ەرتە الاتىن باسقالاردى ىقسىندىرا الاتىن سىرت كوزگە ايبار بولاتىن ازامات كەرەك- اق ەكەن.
قازىر اۋىلداعى كوپ جىگىتتەر ۇساقتالىپ كەتتى مە دەپ قورقامىن. ءىشىپ كەتتى. ودان قالسا ويناس. قالاداعىلار ءالجۋاز. نەلىكتەن مۇنداي كۇيگە ءتۇسىپ قالدىق، اعايىن؟ ! بۇل رەتتە ءبىراز اڭگىمەنى تارقاتىپ ايتۋعا بولادى...
«نامئس»
