اقسايداعى مەرەكەلىك ءبي كەشى جاپپاي توبەلەسپەن اياقتالدى
باسپا ءسوز قىزمەتىنىڭ مالىمەتىنشە، 31 - مامىر كۇنى اقساي قالاسىندا «راديو- اقساي» ج ش س قىزمەتكەرلەرى ۋتۆا وزەنىنىڭ جاعاسىندا راديونىڭ قۇرىلعانىنا ون جىل تولۋىن تويلاپ جاتقان. شاقىرىلعان قوناقتاردىڭ ىشىندە قالا تۇرعىندارى بولدى. شارا سوڭىندا ءبي الاڭى ۇيىمداستىرىلدى.
«كەنەتتەن ءبي الاڭىنا جەڭىل اۆتوكولىك كىرىپ، ودان بەلگىسىز بىرەۋلەر شىعا باستاپ، بيلەي جونەلگەن. كەش ۇيىمداستىرۋشىلارى شاقىرىلماعان قوناقتارعا كولىكتى الاڭنان الىپ تاستاۋدى ءوتىنىپ، ەسكەرتۋ جاسايدى. الايدا ولار بۇعان اشۋلانىپ، توبەلەسە كەتكەن. كەش ۇيىمداستىرۋشىلارى دەرەۋ ءتارتىپ ساقشىلارىن شاقىرعان. قازىر ولاردىڭ بارلىعى ءبورلى اۋدانىنداعى ءى ءى ب-عا جەتكىزىلدى. قۇرىقتاۋ كەزىندە كىنالىلەر پوليسياعا قارسىلىق كورسەتكەن، ابىروي بولعاندا ءتارتىپ ساقشىلارىنىڭ ەشقايسىسى زارداپ شەككەن جوق»، - دەپ اتاپ ءوتتى باسپا ءسوز قىزمەتىنەن.
قازىرگى تاڭدا بۇزاقىلىق فاكتىسى بويىنشا قىلمىستىق ءىس قوزعالدى، تەرگەۋ امالدارى ءجۇرىپ جاتىر.
