ۋكراينا رەسەيدى ەۋروپا سوتىنا بەرگەنىن مالىمدەدى
3 - ماۋسىم كۇنى جوعارعى رادانىڭ وتىرىسىندا ۋكراينا پرەمەر- مينيستر ارسەنيي ياتسەنيۋك ەل ۇكىمەتى قىرىمدى اننەكسيالاپ الۋىنا بايلانىستى رەسەيدىڭ ۇستىنەن ەۋروپانىڭ ادام قۇقىقتارى جونىندەگى سوتىنا شاعىمدانعانىن مالىمدەگەن. بۇل تۋرالى اقپارات ۋكراينا ۇكىمەتىنىڭ ۆەب- سايتىندا جاريالاندى.
ياتسەنيۋك كيەۆ ەۋروپا سوتىنا قىرىمدى اننەكسيالاۋ جانە رەسەيدىڭ ۋكراينا الدىنداعى جاۋاپكەرشىلىگىنە قاتىستى ەكى شاعىم تۇسىرگەنىن ايتقان.
«ءبىز بۇعان قوسا رەسەيدىڭ مەملەكەتتىك بيلىك ورگاندارى ۇستىنەن ۋكراينانى زاڭسىز باسىپ العانى جانە توناعانى ءۇشىن بىرنەشە شاعىم دايىنداپ جاتىرمىز» دەگەن ۋكراينا پرەمەرى.
ونىڭ سوزىنە قاراعاندا، ۋكراينا باس پروكۋراتۋراسى رەسەي اننەكسيالاپ العان قىرىمداعى ۋكراين مەنشىگىنە قاتىستى تەرگەۋ باستاعان. قىلمىستىق ءىس اياسىندا ۋكراين جاعى رەسەيدەن 1 تريلليون گريۆەن (ۋكراينا ۆاليۋتاسى) ءوندىرىپ الۋ تۋرالى شاعىمدانباق.
ۋكراينا ۇكىمەتى رەسەي ۋكراينادان «چەرنومور نەفتە گاز» كومپانياسى مەن قىرىمداعى 2.2 ميلليارد تەكشە مەتر گازدى ۇرلادى دەپ سانايدى.
ارسەني ياتسەنيۋك ۋكراينا رەسەيدى سوتقا تارتۋ ءۇشىن بارلىق زاڭدى تەتىكتەردى پايدالاناتىنىن ايتىپ، مۇنداي سوت پروتسەستەرىنىڭ ۇزاققا سوزىلاتىنىن مەڭزەگەن.
بۇعان دەيىن ۋكراينا قۇرامىندا بولعان قىرىمدا بيىل 16 - ناۋرىز كۇنى ايماقتىڭ ءوزىن- ءوزى باسقارۋ تۋرالى رەفەرەندۋم وتكەن ەدى. وعان دەيىن، اقپان ايىنىڭ 2014 -جىلى 4 - ناۋرىزدا تۇسىرىلگەن سۋرەتتە ەشبىر ايىرما بەلگىسى جوق اسكەري كيىمدەگى ادام سيمفەروپول ماڭىنداعى پەريەۆالنوە ەلدىمەكەنىندە اسكەري تەحنيكادا وتىر. قىرىمدى قوسىپ العان سوڭ رەسەي پرەزيدەنت ۆلاديمير پۋتين تۇبەكتە رەسەي اسكەريلەرى بولعانىن راستادى.
2014 - جىلى 4 - ناۋرىزدا تۇسىرىلگەن سۋرەتتە ەشبىر ايىرما بەلگىسى جوق اسكەري كيىمدەگى ادام سيمفەروپول ماڭىنداعى پەريەۆالنوە ەلدىمەكەنىندە اسكەري تەحنيكادا وتىر. قىرىمدى قوسىپ العان سوڭ رەسەي پرەزيدەنت ۆلاديمير پۋتين تۇبەكتە رەسەي اسكەريلەرى بولعانىن راستادى.
سوڭىندا تۇبەكتى رەسەيشىل بيلىك پەن رەسەي اسكەريلەرى باقىلاۋىنا الا باستاعان.
رەفەرەندۋمدە داۋىس بەرگەندەردىڭ باسىم كوپشىلىگى ايماقتىڭ ۋكراينادان ءبولىنۋىن قولداعان. بۇدان سوڭ ايماقتىڭ رەسەيشىل بيلىگى تۇبەكتى رەسەيگە قوسۋ تۋرالى ماسكەۋگە ءوتىنىش جاسادى. رەسەي پرەزيدەنتى ۆلاديمير پۋتين 18 - ناۋرىز كۇنى قىرىمدى رەسەي قۇرامىنا قوسۋ تۋرالى كەلىسىم جوباسىن ماقۇلداپ، 21 - ناۋرىز كۇنى ءتيىستى جارلىققا قول قويعان. اننەكسيادان سوڭ قىرىمداعى ۋكراينانىڭ مەنشىگىندەگى كەيبىر كومپانيالار مەن مەكەمەلەر، ونىڭ ىشىندە «چەرنومور نەفتە گاز» كومپانياسى رەسەيدىڭ قۇرامىنا الىندى.
قازاقستان سىرتقى ىستەر مينيسترلىگى 18 - ناۋرىز كۇنى جاريالاعان ارنايى مالىمدەمەدە قىرىمدا وتكەن رەفەرەندۋمدى «حالىقتىڭ ءوز قالاۋىن ەركىن ءبىلدىرۋى» دەپ سيپاتتاپ، «رەسەي فەدەراتسياسىنىڭ شەشىمىنە تۇسىنىستىكپەن قارايتىنىن» بىلدىرگەن.
ا ق ش پەن ەۋروپا وداعى قىرىمداعى رەفەرەندۋمدى "ۋكراينانىڭ جانە حالىقارالىق قۇقىقتىڭ نورمالارىنا قايشى" دەپ، ونىڭ ناتيجەسىن مويىنداۋدان باس تارتقان. سونىمەن بىرگە ا ق ش پەن ەۋرووداق تۇبەكتى انەكسيالاپ العان رەسەيگە قارسى ءبىرقاتار سانكتسيالار قابىلداعان.
ناۋرىزدىڭ 27- كۇنى بىرىككەن ۇلتتار ۇيىمىنا مۇشە 100 مەملەكەت «ۋكراينانىڭ تەرريتوريالىق تۇتاستىعى» تۋرالى قاراردى قولدادى، 58 مەملەكەت قالىس قالىپ، 11 ى قۇجاتقا قارسى داۋىس بەردى. قالىس قالعانداردىڭ اراسىندا قازاقستان دا بار.
«ازاتتىق»
