14:55, 04 - ماۋسىم 2014 | GMT +5
ءانۇراندى مىڭ ادام ءبىر مەزەتتە ورىندادى
وسكەمەن. قازاقپارات - مەملەكەتتىك رامىزدەر كۇنىن وسكەمەندىكتەر مەملەكەتتىك ءانۇراندى شىرقاۋدان باستادى.
1000 نان استام ازاماتتار، اسكەريلەر، وقۋشىلار، مۇعالىمدەر، ەڭبەك ۇجىمدارى بۇگىن تاڭەرتەڭ ەرتىس جاعالاۋىنداعى سالتاناتتى شاراعا جينالدى.
«قازىر جينالعان قاۋىم ءانۇراندى ورىنداعاندا ولاردىڭ جانارلارىنان ەرەكشە رۋح بايقادىم. كوك بايراعىمىز ەركىندىكتى بىلدىرەدى. ال ەلتاڭبامىز ەلىمىزدىڭ بۇگىنى مەن ەرتەڭىنەن سىر شەرتىپ تۇر. مەنى وسىنداي قازاقستاندىقتار ءۇشىن ماڭىزدى كۇنى شاقىرعان وسكەمەن قالاسى اكىمدىگىنە العىسىمدى بىلدىرەمىن» - دەدى مەرەكە قوناعى، ق ر ەلتاڭباسىنىڭ اۆتورى جانداربەك مالىبەكوۆ.
وسكەمەندە مەرەكەلىك شارالار جالعاسۋدا. شارا اياسىندا « قازاقستان» تاۋىندا 8 جاڭا مەملەكەتتىك قىزمەتكەر انت قابىلدادى. بۇل شارادان سوڭ «نۇر وتان» پارتياسى ءوز قاتارىنا جاڭا مۇشەلەردى قابىلدايدى، دەپ حابارلادى وسكەمەن اكىمدىگىنىڭ باسپا ءسوز قىزمەتىنەن.
