قازاقستاندا ءتورتىنشى رەت جۇرەك الماستىرۋ وتاسى جاسالىندى
دارىگەرلەر جۇرەگى الماستىرىلعان الەكساندر ەپيشيەۆتىڭ جاعىدايى قازىر جاقسى ەكەندىگىن ايتۋدا.
ايتا كەتۋ كەرەك، ەمدەلۋشىگە جۇرەك الماستىرىلعانعا دەيىن جاساندى جۇرەك قارىنشاسى ورناتىلعان. ول ناۋقاستىڭ وپەراتسياعا دايىن بولۋىنا سەپتىگىن تيگىزگەن.
بۇگىندە ەلىمىزدە 200 دەن استام ادام جۇرەك ترانسپلاتاتسياسىن قاجەت ەتەدى. ولاردىڭ ىشىندە بالالار دا بار. ال وسىنداي وپەراتسيا قازاقستاندا العاش رەت 2012 - جىلدىڭ تامىز ايىندا جاسالعان بولاتىن.
يۋريي پيا، «ۇلتتىق عىلىمي كارديوحيرۋرگيا ورتالىعى» اق باسقارما ءتوراعاسى:
- بۇل وپەراتسيانى جاساۋ وڭايعا سوققان جوق. وعان ميىنا قان قۇيىلىپ قايتىس بولعان الماتى قالاسىنىڭ 55 جاستاعى تۇرعىنىنىڭ جۇرەگى سالىندى. جۇرەك الماستىرۋ وپەراتسياسى ءساتتى ءوتتى.
ماحاببات بەكبوسىنوۆا، ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتورايىمى:
- ەمدەلۋشىگە جۇرەك ترانسپلانتاتسيالانعانعا دەيىن كوپ جاعداي جاسالدى. دونور بولعان ءمايىتتىڭ تۋىستارى بىزگە رۇقسات بەرگەن سوڭ، 12 ساعات ىشىندە جۇرەك الماتىدان وسىندا جەتكىزىلدى. ول ادام تاعى دا 4 ناۋقاستىڭ ءومىرىن ساقتاپ قالدى.
24.kz
