ەلوردا كۇنى اياسىندا كوشپەلىلەر وركەنيەتى فەستيۆالى وتەدى
بۇل تۋرالى استانا كۇنىن ۇيىمداستىرۋ كوميتەتىنىڭ مەديا- شتابى حابارلادى.
2014 - جىلى 4-7 -شىلدە ارالىعىندا «حان شاتىر» س و و الاڭىندا ءداستۇرلى كيىزدى پايدالانا وتىرىپ، جازىق دالادا شەڭبەرلەي ورنالاستىرعان، جايما بازارى جايقالعان جانە شاتىرى كوتەرىلگەن قالاشىق جاسالادى.
بيىلعى جىلى ادەتتەگى قالالار قورشالاتىن دۋالدىڭ ورنىنا كورمەگە ارنالعان شاتىرلى كەشەن بوي كوتەرەدى. ياعني بۇل - ابىلايشا جانە قوس ءتارىزدى شاتىرلارمەن قورشالعان ءارى ارقانمەن تارتىلعان قۇرىلىس ءتۇرى.
بيىلعى جىلدىڭ تاعى ءبىر جاڭالىعى - جىلقى ۇستىندەگى قويىلىمدارعا ارنالعان الاڭنىڭ بولماۋى. ونىڭ ورنىنا ات قۇلاعىندا وينايتىن كاسكادەرلەردىڭ ونەر كورسەتۋىنە 1600 شارشى مەتر اۋماققا قۇم توگىلگەن ارنايى الاڭ قاراستىرىلادى. سونىمەن بىرگە «جەل جادى» ينستاللياتسياسى مەن ادەت- عۇرىپ گولوگرافيالىق تەاترىنا ارنالعان شار ءتارىزدى كەشەن كەلۋشىلەردىڭ قىزىعۋشىلىعىن تۋدىرماق. سونداي- اق، كوشپەلىلەر وركەنيەتى فەستيۆالى اياسىندا مىناداي شارالار ۇيىمداستىرىلادى:
ادەت- عۇرىپ گولوگرافيالىق تەاترى: نەگىزگى ۇستانىمى ناعىز اكتەرلەردىڭ ۆيرتۋالدى نىساندارمەن ءوزارا قارىم- قاتىناسىنان تۇرادى - اكتەرلەر مەن ۇلگى كورسەتۋشىلەر ۆيرتۋالدى ساحنا كەڭىستىگىندە ادەت- عۇرىپتاردى كورسەتەدى. ءار ءراسىمنىڭ كورەرمەندى بىرەسە وزەن جاعاسىنا، بىرەسە كيىز ۇيگە ورنالاستىراتىن وزىندىك گولوگرافيالىق ساحناسى بار. تەاتر كورەرمەنى قىر ادامىنىڭ ءومىر جولىن اكتەرلەرمەن بىرگە بىرتە- بىرتە باسىنان وتكەرەدى؛
ءداستۇرلى مۋزىكا كونتسەرتى: ءداستۇرلى تۇركى مۋزىكالىق مۇراسىنىڭ جانرلىق ءارالۋاندىعى كورىنىس تابادى: دومبىرادان ەسكەن كۇي، قوبىزدان توگىلگەن كونە سارىن جانە باسقا دا مۋزىكالىق اسپاپتار، حالىق اندەرى مەن ءداستۇرلى كومپوزيتسيالار، تولعاۋ، تەرمە، جىرلار.
اقىندار ايتىسى: سۋىرىپسالما ونەرى مەن زەرەكتىكتى، تاپقىرلىق پەن تانىمدى سىنعا سالعان ۇلتتىق جانر. ايتىس ونەرىنىڭ ەرەكشەلىگى - ايتىسكەرلەر قاي زاماندا بولماسىن قوعامنىڭ وتكىر ماسەلەلەرىن قايمىقپاي ورتاعا سالعان. باعدارلاما بارىسىندا ايتىس ونەرىنىڭ «قىز بەن جىگىت» ايتىسى، «جۇمباق ايتىس» ، «قايىم ايتىس» جانە «تۇرە ايتىس» تۇرلەرىنەن اقىندار سىنعا تۇسەدى.
«ات جالىندا» ات- سپورتى شوۋى: «ات جالىندا» شوۋىنىڭ بيىلعى ەرەكشەلىگى قۇممەن كومكەرىلگەن ارنايى الاڭنىڭ (65x25 م. ) ۇيىمداستىرىلۋى، وندا كاسكادەرلەر دالا توسىندە شەبەر ونەر كورسەتكەن قىر بالاسىنداي قايمىقباي بار بىلگەندەرىن ورتاعا سالا الادى؛
«جامبى اتۋ»: ۇلتتىق سپورت ءتۇرى، مۇندا قاتىسۋشىلار وزدەرىنىڭ مەرگەندىكتەرىن سىنعا سالادى. ءداستۇر بويىنشا، سپورتشى نىساناسى «كەسەك التىن» ەمەس، اتالمىش التىن ورنالاسقان جۇقا ارقان بولماق.
ۇلتتىق قولدانبالى ونەر جارمەڭكەسى: شاتىرلى جارمەڭكە كەشەنىندە ۇلى دالانىڭ ۇلتتىق- قولدانبالى ونەر جادىگەرلەرى كورىنىس تابادى: زەرگەرلىك بۇيىمدار، ۇلتتىق ىدىس- اياق، توقىما جانە كىلەم توقۋ ونەرى، اعاش جونۋ مەن تاس قاشاۋ جانە ت. ب. ونەرلەر ورتاعا سالىنادى. جارمەڭكە بارىسىندا قولدانبالى ونەردەن شەبەرلىك ساعاتتارى ۇيىمداستىرىلادى؛
كوشپەلى سيرك: ارقانمەن ورمەلەۋشى، جونگلەر، ەكۆيليبريستەر ونەر كورسەتەدى
«كيىز باسۋ» ەتنو- شوۋى: فەستيۆال كورەرمەندەرىنىڭ كوز الدىندا كيىز باسۋ ونەرىنىڭ قىر- سىرى جايىلادى. سونداي- اق شەبەرلىك ساعاتتارى قاراستىرىلعان.
«التىن ساقا» سپورت سايىسى: فەستيۆالعا قاتىسۋشىلار «اسىق اتۋ» ۇلتتىق ويىنىنا قاتىسۋ ارقىلى ءوز مەرگەندىكتەرى مەن ەپتىلىكتەرىن تارازىلاي الادى.
«فولكلورعا تولى ءومىر» ەتنو- شوۋى: كوشپەلىلەر ومىرىندەگى ايتۋلى وقيعالاردىڭ الۋاندىلىعىن جانە ونىڭ فولكلورلىق مۋزىكادا كورىنىس تاپقانىن كورسەتۋگە باعىتتالعان. باعدارلاماعا ءوز ۇلتىنىڭ فولكلورلىق مۇراسىن ساقتاعان تۇركى حالىقتارىنىڭ وكىلدەرى قاتىسادى.
ۇلتتىق قازاق اسپاپتارىنىڭ شەرۋى: شەرۋ ۇلتتىق اسپاپتاردىڭ ءۇنى ارقىلى قازاق فولكلورىنىڭ باي مۇراسىن پاش ەتۋگە ارنالعان. باعدارلامادا تۇركى الەمى وكىلدەرى اسپاپشىلارى ونەر كورسەتەدى. شوۋ بارىسىندا جۇرگىزۋشىلەر اسپاپتار تۋرالى مالىمەت بەرىپ وتىرادى.
«كيىم تاريحى» شوۋى: كيىم - ەتنوگرافيالىق اقپاراتتىڭ ماڭىزدى كوزى، وندا تەك ءومىر سالتى عانا ەمەس، ەستەتيكالىق جانە ەتيكالىق، دۇنيەتانىمدىق سىر جاتادى. «كيىم تاريحى» شوۋىندا دالا ءتوسىن ەمگەن كوشپەلى ۇلتتاردىڭ XIX عاسىرعا دەيىنگى كيىمدەرى كورسەتىلەدى.
بالالارعا ارنالعان «مەنىڭ كىشكەنتاي كيىز ءۇيىم» شەبەرلىك- ساعاتى: شەبەرلىك ساعاتى فەستيۆالدىڭ ءداستۇرلى شاراسى، وندا جاس بۋىنعا كيىز ءۇي قۇرىلىسى مەن ونى تىگۋدىڭ قىر- سىرى تولىق باياندالادى. كىشكەنتاي قوناقتاردىڭ جاس ەرەكشەلىگىنە سايكەس، كيىز ءۇي جابدىقتارىنىڭ ولشەمى ەسكەرىلگەن.
مۋزىكالىق اسپاپتار كورمەسى: الۋان ءتۇرلى ۇلتتىق مۋزىكالىق اسپاپتار قويىلادى. كەلۋشىلەر عاسىرلار بويى ساقتالعان جادىگەرلەردى كورىپ ءارى ۇستاپ قانا قويماي، ونىڭ شىعۋ تاريحىمەن تانىسىپ، ءۇنىن تىڭداي الادى.
قىران قۇس پەن تازى كورمەسى: كەز- كەلگەن اڭشىلىق ونەرىنىڭ باستى نىشانى - قىران بۇركىت پەن تازى يت. فەستيۆال قوناقتارى ساياتشىلىق سىرلارىمەن تانىسىپ، اڭعا شىعۋ سالتىن ساقتاعان بۇگىنگى ىزباسارلارمەن تىلدەسە الادى.
ۇلتتىق تاعام: قوناقتار قازاقتىڭ ۇلتتىق تاعامدارىمەن تانىسىپ ءارى ونىڭ ءدامىن تاتا الادى.
