19:23, 05 - ماۋسىم 2014 | GMT +5
ەلباسى يسپانيا كورولىنىڭ تاقتان باس تارتۋ جونىندەگى شەشىمىن باتىل قادام دەپ اتاپ ءوتتى
استانا. قازاقپارات - ق ر پرەزيدەنتى نۇرسۇلتان نازاربايەۆ يسپانيا كورولى حۋان كارلوس I-نىڭ تاعىنان تۇسۋىنە بايلانىستى جەدەلحات جولدادى.
بۇل تۋرالى اقوردانىڭ باسپا ءسوز قىزمەتىنەن حابارلادى.
مەملەكەت باسشىسى كورول حۋان كارلوس I تاقتان باس تارتۋ جونىندەگى باتىل شەشىمىن اتاي وتىرىپ، ونىڭ ءىزباسارىنا جان-جاقتى قولداۋ كورسەتۋگە ازىرلىگىن جەتكىزدى.
سونىمەن قاتار نۇرسۇلتان نازاربايەۆ كورول حۋان كارلوس I تاقتا وتىرعان جىلدارى ەلدەرىمىز اراسىندا قالىپتاسقان تىعىز قارىم-قاتىناس پەن ستراتەگيالىق ارىپتەستىك رۋحى ودان ءارى جالعاسا بەرەتىنىنە سەنىم بىلدىرگەن.
سوڭىندا قازاقستان پرەزيدەنتى حۋان كارلوس I-گە مىقتى دەنساۋلىق، مول تابىس، ال يسپانيا حالقىنا باق-بەرەكە مەن مولشىلىق تىلەدى.
