پوليتسيا ۇرىلاردى قولعا ءتۇسىرۋدىڭ امالىن تاپتى - سەمەي

استانا. قازاقپارات  - سەمەيدىڭ ۇرىلارى بىرنەشە ايدان بەرى اۆتوكولىك يەلەرىن زار يلەتىپ كەلگەن. سۇعاناقتار ءبىراز ۋاقىتتىڭ ىشىندە 20 دان استام ماشينانى توناپ ۇلگەرىپتى.

 30 بەن 36 جاستاعى جۇمىسسىز جىگىتتەر سەمەيدىڭ ءار بۇرىشىندا قاڭتارىلىپ تۇرعان كولىكتەردى اڭدىپ ءجۇرىپ، ىشىندەگى زاتتاردى قۇشاعىنا سىيعانشا كوتەرىپ كەتىپ وتىرعان.

ەكى اي بويى ءتارتىپ ساقشىلارىنا ۇستاتپاي، ءبىراز تۇلكىبۇلاڭعا سالىپتى. كەيىن ولاردى الداپ قولعا ءتۇسىرۋ ءۇشىن، قالانىڭ بىرنەشە جەرىنە يەسىز ماشينالار قويىلدى. كوپ ۇزاماي، سولاردىڭ ءبىرىن تىمىسكىلەپ جاتقان كۇدىكتىلەر قاقپانعا ءتۇسىپ، قولدارىنا كىسەن سالىنعان. ۇيلەرىندەگى ۇرلانعان زاتتاردىڭ اراسىندا دوڭعالاقتان باستاپ اككۋمۋلياتورعا دەيىن بار. از ۋاقىت ىشىندە ولار وسىلايشا 1 ميلليون تەڭگەنىڭ مۇلكىن قولدى قىلعان، دەپ حابارلايدى ك ت ك تەلەارناسى.