وڭتۇستىكتەگى «وتىرار» قورىق- مۇراجايىن دۇنيەجۇزىلىك تاريحي جادىگەرلەر قاتارىنا قوسۋ قاجەت - گ. ءابدىحالىقوۆا

 استانا. قازاقپارات - وڭتۇستىكتەگى «وتىرار» مەملەكەتتىك ارحەولوگيالىق قورىق- مۇراجايىن دۇنيەجۇزىلىك تاريحي جادىگەرلەر قاتارىنا قوسىپ، تۋريزمدى دامىتۋ كەرەك.

وڭىرگە ق ر پرەمەر- ءمينيسترىنىڭ ورىنباسارى باستاپ بارعان ۇكىمەتتىك دەلەگاتسيا وسى ماسەلەنى تالقىعا سالدى، دەپ حابارلايدى 24.kz.

 وتكەن جىلى اتالعان نىساندى 136 مىڭ ادام تاماشالاپ، 40 تان استام كورمەلەر ۇيىمداستىرىلعان. قۇرامىندا ق ر مادەنيەت ءمينيسترى، تۋريزم يندۋسترياسى كوميتەتى ءتوراعاسى بار دەلەگاتسيا تۇركىستان قالاسىنداعى قوجا احمەت ياسساۋي كەسەنەسى مەن وسىنداعى قولونەر شەبەرلەرىنىڭ ورتالىعىن دا ارالاپ كوردى. مەملەكەتتىك «مادەني مۇرا» باعدارلاماسىنىڭ اتقارىلۋ بارىسى، كونە جادىگەرلەردىڭ ساقتالۋ جايىنا ارنالعان كەڭەستە مادەني ساياساتقا بايلانىستى دايىندالىپ جاتقان تۇجىرىمداما كەڭىنەن تالقىلاندى.

«جاقىن ۋاقىتتا 2015-2017 - جىلدارعا ارنالعان رەسپۋبليكالىق بيۋدجەتتىڭ وتىرىسى باستالادى. سوندا جاڭا تۇجىرىمدامانى قاراپ، ارحەولوگياعا ەرەكشە ءمان بەرەمىز. ايتىلىپ جاتقان ۇسىنىستار تەك ءبىر فراگمەنت رەتىندە قالماي، جۇيەلى ءبىر كوزقاراس بولسا، بيۋدجەتتىك كوميسسياعا شىعۋعا بولادى» ، - دەدى ءوز سوزىندە ق ر پرەمەر- ءمينيسترىنىڭ ورىنباسارى گۇلشارا ءابدىحالىقوۆا.