قىتايدىڭ كومپانياسى مەن «ترانس تەلەكوم» ا ق ءوزارا ىنتىماقتاستىق مەموراندۋمىنا قول قويدى
ول «Huawei Technologies Co., Ltd» شتاب- پاتەرىندە «Huawei» كومپانياسىنىڭ كورپوراتيۆتىك توبىنىڭ پرەزيدەنتى يان ليدامەن كەزدەستى.
سالتاناتتى ءراسىم ۇستىندە «Huawei» جانە «ترانس تەلەكوم» كومپانيالارى اراسىندا ءوزارا ىنتىماقتاستىق تۋرالى مەموراندۋمعا قول قويىلدى. كەزدەسۋ بارىسىندا LTE 4G ەنگىزۋ، بۇلتتى تەحنولوگيالارعا ارنالعان مالىمەتتەردى ازىرلەۋ جانە بەرۋ يننوۆاتسيالىق تەحنولوگيالىق جۇيەسى اياسىنداعى ىنتىماقتاستىق ماسەلەلەرى تالقىلاندى.
بۇل تۋرالى «ترانس تەلەكوم» كومپانياسىنىڭ رەسمي سايتىندا حابارلانعان.
سونىمەن قاتار «ترانس تەلەكوم» باسشىسى «Huawei» كورمە ورتالىعىنىڭ پاۆيلونىنا بارىپ، اتالمىش كومپانيانىڭ IT سالاسىنداعى سوڭعى ونىمدەرىمەن، «اقىلدى قالا» تەحنولوگيالار جۇيەسىمەن تانىستى. ءوز كەزەگىندە قازاقستاندىق كومپانيا وكىلدەرى قىتايلىق ارىپتەستەرىن «ترانس تەلەكوم» ا ق قىزمەتتەرىنىڭ نەگىزگى باعىتتارىمەن تانىستىردى.
ەستەرىڭىزگە سالا كەتەيىك، ق ر پرەزيدەنتى نۇرسۇلتان نازاربايەۆ وسى جىلدىڭ مامىر ايىندا قىتاي حالىق رەسپۋبليكاسىنا جاساعان مەملەكەتتىك ساپارى شەڭبەرىندە «Huawei» («Huawei Technologies Co., Ltd») كومپانياسى ديرەكتورلار كەڭەسىنىڭ ءتوراعاسى سۋنيا فانمەن كەزدەسكەن بولاتىن. كەزدەسۋ بارىسىندا 2050 ستراتەگياسىن جۇزەگە اسىرۋ جانە «EXPO-2017» كورمەسىنە دايىندىق، سونىمەن قاتار قازاقستاندىق پايدالانۋشىلار ءۇشىن تەلەكوممۋنيكاتسيا جانە ينتەرنەت قىزمەتتەرىنىڭ اياسىن كەڭەيتۋ مۇمكىنشىلىكتەرىنە بايلانىستى ماسەلەلەر تالقىلانعان بولاتىن.
