قىتاي اسكەريلەرى كيەۆكە قاتاڭ ەسكەرتۋ جاسادى
Politonline پورتالىنىڭ حابارلاۋىنا قاراعاندا، قىتايدىڭ حالىقتىق ازات ەتۋ اسكەرى باس شتابى باستىعىنىڭ ورىنباسارى، گەنەرال-لەيتەنانت ۆان گۋانچجۋن ءوز مالىمدەمەسىندە ۋكراين بيلىگىنەن «بەيبىت حالىققا قارسى كۇشتەۋ وپەراتسياسىن» دەرەۋ توقتاتۋدى تالاپ ەتكەن.
«ورەاندا-نوۆوستي» اقپارات اگەنتتىگى ناقتىلاپ وتىرعانداي، مۇنداي قاتتى ايتىلعان مالىمدەمەنى ول ازياداعى قاۋىپسىزدىك جونىندەگى XIII حالىقارالىق كونفەرەنتسيا اياسىندا رەسەي قورعانىس ءمينيسترىنىڭ ورىنباسارى اناتولي انتونوۆپەن كەزدەسۋ بارىسىندا جاساعان.
قىتاي الدىندا دا ۋكراينانىڭ جاڭا بيلىگىن «ەلدىڭ شىعىسىندا ازاماتتىق سوعىستى تۇتاندىرۋدا» دەپ ايىپتاپ، ال ا ق ش پەن ەۋروپانى «ۋكرايندىقتارعا ىقپال ەتتى» دەپ سوككەن. سونداي-اق رەسەي مەن قىتاي العاش رەت بىرىككەن عالامدىق اسكەري وقۋ-جاتتىعۋلاردى باستادى. وعان ا ق ش-تىڭ اسكەري ساراپشىلارى «امەريكاعا قارسى ەكى يادرولىق دەرجاۆانىڭ اسكەري بىرىگۋى قاۋىپتى» دەپ باعا بەرگەن.
قىتاي اسكەريلەرىنەن تىس ۋكراينا مەن باتىستىڭ اتىنا فرانسيانىڭ «ۇلتتىق فرونتىنىڭ» باسشىسى ماري لە پەن قاتتى سىن تاققان. ونىڭ پىكىرىنشە، ۋكرايناداعى داعدارىس پەن قانتوگىستىڭ ايىبى ەۋروپا مەن ا ق ش-تىڭ موينىندا. «امەريكالىق نۇسقاۋشى سيپاتىنداعى ە و رەسەي ءۇشىن ءتيىمسىز» - دەگەن ول.
لە پەن ۋكراينانىڭ فەدەراتسياعا شۇعىل ءبولىنۋىن جاقتايتىنىن، سونىمەن قاتار باسقا مەملەكەتتەردىڭ شەشىمىن وزىنە ەش تاڭعىزبايتىندىعى ءۇشىن رەسەي پرەزيدەنتى ۆلادمير پۋتيندى ماقتان تۇتاتىندىعىن جەتكىزگەن
Tengrinews.kz
