مەرزىمى ءوتىپ كەتكەن ءونىم دۇكەن سورەلەرىنە قايتا شىعارىلۋدا

استانا. قازاقپارات - جارامدىلىق مەرزىمى ءوتىپ كەتكەن مايونەز بەن مايلار ساۋدا سورەلەرىنە قايتا شىعارىلىپ جاتىر.

پەتروپاۆل قالاسىنىڭ تۇرعىنى ارنامىزعا ۇيالى تەلەفونعا تۇسىرىلگەن بەينەجازبا اكەلىپ، مالىمدەمە جاسادى.

اكەلىنگەن كادرلاردا جۇمىسشىلاردىڭ ونىمدەردىڭ قولدانۋ ۋاقىتىن ۇتىكپەن ءوشىرىپ، جارامدىلىق كۇنىن قايتا باسىپ جاتقاندارى تايعا تاڭبا باسقانداي كورىنەدى.

ال جارامسىز تاۋارلار بولسا، ۇستەل ۇستىندە ءۇيىلىپ جاتتى. مايونەز بەن مايلار وتاندىق كومپانيالاردىڭ بىرىندە شىعارىلعان. كومپانيانىڭ وڭىردەگى ديرەكتورى بۇل جاعدايدى جوققا شىعارىپ وتىر.

ستانيسلاۆ، قالا تۇرعىنى:

- بەينەجازبانى مەكەمەدە جۇمىس ىستەگەن تانىسىم ءتۇسىردى. مەن مونتاجدادىم. كوپشىلىك كورسىن، ءبىلسىن دەدىم. سۇمدىق قوي. مۇندايلار جاۋاپقا تارتىلۋى ءتيىس.

ەۆگەني تارەلكو، فيليال ديرەكتورى:

- بەينەجازبا ءتيىستى تالاپتاردى ساقتامايتىن ساۋدا نۇكتەسىندە ءتۇسىرىلۋى مۇمكىن. نەمەسە بۇل - باسەكەلەستەردىڭ ءىسى. بۇعان ءبىزدىڭ قاتىسىمىز جوق. قولدانۋ ۋاقىتى ءوتىپ كەتكەن ونىمدەر ارنايى پوليگوندا جويىلادى. 

24.kz