قازاقستانداعى ءاربىر ءتورتىنشى ەرلى-زايىپتى بالاعا زار بولىپ ءجۇر

استانا. قازاقپارات  -  ەلىمىزدە ءاربىر ءتورتىنشى ەرلى-زايىپتى ءبىر بالاعا زار بولىپ ءجۇر.

بۇل تۋرالى بۇگىن استانادا وتكەن حالىقارالىق عىلىمي-تاجىريبەلىك كونفەرەنسيادا ايتىلدى. جيىندا يممۋن تاپشىلىعى ۆيرۋسى ينفەكتسياسىن جۇقتىرعان ناۋقاستىڭ بەدەۋلىك ماسەلەسىن شەشۋ جولدارى قاراستىرىلدى.

حالىقارالىق ساراپشىلار ءوز تاجىريبەسىن ۇسىنا وتىرىپ، قازىرگى زامانعى دياگنوستيكا ءادىسىن دامىتۋ، سول ارقىلى اۋرۋدىڭ نەگىزگى سەبەپتەرى مەن ەمدەۋ تاسىلدەرىن انىقتاۋ قاجەتتىلىگىن ايتتى. جالپى ج ي ت س ينفەكسياسىن جۇقتىرعان ناۋقاستىڭ ساۋ بالا تۋۋى قازىر قوسالقى رەپرودۋكتيۆتى تەحنولوگيانى قولدانۋ ارقىلى عانا مۇمكىن.

سوندىقتان وتاندىق ماماندار ەلىمىزدە الەمدىك تاجىريبەنى ەنگىزە وتىرىپ قانا شەشۋگە بولاتىندىعىن ايتتى. ايتا كەتۋ كەرەك، بۇگىندە ەلىمىزدە قوسالقى رەپرودۋكتيۆتى تەحنولوگيانى قولدانۋدىڭ ارقاسىندا بۇرىن نارەستە سۇيە الماي جۇرگەن وتباسىلاردا 8 مىڭ نارەستە دۇنيە ەسىگىن اشقان.

ماحاببات بەكبوسىنوۆا، ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى:

- قازاقستاندا ءاربىر ءتورتىنشى وتباسى بەدەۋلىككە كەزىگەدى. ال ەلىمىزدە رەپرودۋكتيۆتى تەحنولوگيانىڭ ارقاسىندا 8000 نارەستە شىنى تۇتىكتە تۋىلدى. ەگەر تۇتىك ارقىلى بالا تابۋعا مۇمكىندىك بولسا، نەگە ونى پايدالانباسقا؟.

بالالاردىڭ دەنى ساۋ بولعانى ماڭىزدى. سوندىقتان ايەلدەرمەن قاتار، ەركەكتەردىڭ بەدەۋلىگىن ەمدەۋدىڭ جاڭا تەحنولوگياسىن الەمدىك تاجىريبەگە سۇيەنە وتىرىپ قولدانىسقا ەنگىزۋىمىز كەرەك.

سالتانات بايقوشقاروۆا، ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەسى:

- ج ي ت س-پەن اۋىراتىن ادامدارعا ۇيلەنگەندە تابيعي جولمەن بالا تۋۋ مۇمكىندىگى جوق. سوندىقتان دا رەپۋرودۋكتيۆتى تەحنولوگيالار، جاتىرىشىلىك ۇرىقتاندىرۋ ارقاسىندا ءبىر-بىرىنە ىندەتتى جۇقتىرماي، بولاشاقتا دەنى ساۋ ۇرپاق اكەلۋگە مۇمكىندىگى بار.

24.kz