قىرعىزدىڭ قىتايداعى اتاقتى ماناسشىسى دۇنيەدەن ءوتتى

استانا. قازاقپارات  -  قىتايدىڭ شىڭجاڭ ۇيعىر اۆتونوميالىق اۋدانىندا قىرعىزدىڭ ەجەلگى «ماناس» جىرىن جاتقا ايتاتىن 96 جاستاعى اتاقتى قاريا ءجۇسىپ ماماي دۇنيە سالدى.

جىرشىنى جەرلەۋ راسىمىنە قىرعىزستان پرەزيدەنتى كەڭسەسىنىڭ باسشىسى باستاعان قىرعىز دەلەگاتسياسى باردى.

وتكەن اپتادا قىرعىزستان پرەزيدەنتى المازبەك اتامبايەۆ ءجۇسىپ مامايعا «قىرعىزدىڭ ۇلتتىق باتىرى» اتاعىن بەرىپ، «اق شۋمكار» وردەنىمەن ماراپاتتاعان ەدى.

«ماناس» ەپوسى - قىرعىز حالقىنىڭ ەڭ قۇندى، وسى كۇنگە دەيىن ساقتالىپ قالعان ۇلتتىق مۇراسى. «ماناس» الەمدەگى ەڭ ۇزاق ەپوستىق جىر سانالادى، ونى گومەردىڭ «يليادا» جانە «وديسسەيىمەن» سالىستىرادى. شىڭجاڭنىڭ  قىزىلسۋ-قىرعىز پرەفەكتۋراسىندا 300 مىڭعا تارتا ەتنيكالىق قىرعىز تۇرادى، دەپ جازادى ازاتتىق راديوسى.

BAQ. KZ