قىتايدىڭ ءىرى قۇرلىقتىق پورتى قازاقستانمەن ىنتىماقتاستىق ورناتۋعا مۇددەلى
«قىتاي حالىق رەسپۋبليكاسىنىڭ شەنسي پروۆينتسياسىنىڭ شي-ان قالاسىنىڭ حالىقارالىق ساۋدا- لوگيستيكالىق پورتىنىڭ باسشىلىعى قازاقستاننان كەلگەن دەلەگاتسيامەن كەلىسسوزدەر جۇرگىزدى» ، - دەلىنگەن باسپا ءسوز حابارلاماسىندا.
«شي-اننىڭ حالىقارالىق ساۋدا- لوگيستيكالىق پاركى ازيا مەن ەۋروپا اراسىندا ۇزدىكسىز جۇك اعىمىن قامتاماسىز ەتۋ ءۇشىن «قورعاس- شىعىس قاقپاسى» ارنايى ەكونوميكالىق ايماعىن دامىتۋعا قىزىعۋشىلىق ءبىلدىرىپ وتىر. سونىمەن بىرگە پارك باسشىلىعى ىنتىماقتاستىق جوبالارىنىڭ تانىستىرىلىمدارىنا قىزىعۋشىلىق بىلدىرگەن شەنسي پروۆينتسياسىنىڭ لوگيستيكالىق- كولىكتىك كومپانيالارى مەن كاسىپورىندارىن جانە ەلدىڭ باسقا ىشكى ايماقتارىن بەلسەندى تارتىپ، وسىلايشا ەكى ەلدىڭ اراسىندا تىعىز ساۋدا- ەكونوميكالىق قارىم- قاتىناستى جۇزگە اسىرۋ ءۇشىن قازاقستانمەن ساۋدا- ەكونوميكالىق ىنتىماقتاستىقتى ىنتالاندىرۋعا نيەتتى» ، - دەدى كەلىسسوزدەردى قورىتىندىلاعان «Kaznex Invest» ديرەكتورى جالەل بولاتوۆ.
حالىقارالىق ساۋدا- لوگيستيكالىق پاركىنىڭ اكىمشىلىگىندە قازاقستانمەن جۇمىستار جۇرگىزۋ جونىندەگى باسقارما قۇرىلدى. ال شانشي پروۆينتسياسىنىڭ ۇكىمەتى الماتىدا وزدەرىنىڭ وكىلدىگىن قۇردى.
شانشي پروۆينتسياسى باسشىلىعىنىڭ شاقىرۋىمەن قازاقستاندىق ءوندىرۋشى- ەكسپورتشىلاردىڭ ءبىرقاتارى وتكەن اپتادا شي-ان قالاسىندا وتكەن ۇلى جىبەك جولىنا مۇشە مەملەكەتتەردىڭ ينۆەستيتسيالىق كليمات جانە ساۋدا مۇمكىندىكتەرى بويىنشا حالىقارالىق كونفەرەنتسياسىنا قاتىستى. ونداعى ۇلتتىق ستەندتە ءوز ونىمدەرىن 7 كاسىپورىن: «تاراز بىلعارى اياق كيىم» ج ش س، «لۋگوۆوي ات زاۋىتى» ج ش س، «سەزامەكو» ج ش س، «KUAT LTD» ج ش س، «حيم پارك» ج ش س، «قازفوسفات» ج ش س، «راحات» ا ق تانىستىرعان بولاتىن.
قىتاي ساتىپ الۋشىلارى ا ءو ك ونىمدەرىنە الدەقايدا كوبىرەك قىزىعۋشىلىق تانىتتى. قىتايدىڭ ءىرى كومپانيالارىمەن كەلىسسوزدەر ناتيجەسى بويىنشا جىل سايىن 100 مىڭ تونناعا دەيىن قازاقستاندىق ءونىم - وسىمدىك مايىن جەتكىزۋ تۋرالى كەلىسىمگە كەلۋ جوسپارلانىپ وتىر. قازاقستاندىق وندىرۋشىلەرگە سونىمەن قاتار قىتاي ينۆەستورلارىن قىتايدا سۇرانىسقا يە ونىمدەردى وندىرەتىن بىرلەسكەن كاسىپورىندارعا تارتۋ مۇمكىندىگى بەرىلىپ وتىر. بۇل تاۋارلاردىڭ كەپىلدەندىرىلگەن وتكىزىلۋىن قامتاماسىز ەتپەك.
