10:00, 03 - ماۋسىم 2014 | GMT +5
اندجەلينا دجولي كينو الەمىنەن كەتپەكشى - فوتو
استانا. قازاقپارات - بەلگىلى كينوجۇلدىز ەندىگى جۇمىسىن ب ۇ ۇ گۋمانيتارلىق باعىتىنا ارناماقشى، دەپ جازادى شەتەلدىك ب ا ق.
گولليۆۋد جۇلدىزى اندجەلينا دجولي كينو مانسابىنىڭ اياقتالاتىنىن ايتتى.
ونىڭ اتاقتى رولدەرىنىڭ سوڭعىسى، ونىڭ ايتۋىنشا، مىسىر حانشايىمى كلەوپاترانىڭ ءرولى بولادى. ەندى ول ب ۇ ۇ گۋمانيتارلىق باعىتىندا ەڭبەك ەتۋگە نيەتتى.
دجولي ВВС راديوسىندا ءسوز سويلەپ، ءوزى باستى ءرولدى سومداعان جاڭا «مالەفيسەنتا» فيلمىن قولداۋ ماقساتىندا جاسالعان تۋرنە بارىسىندا كلەوپاترا تۋرالى فيلمگە ءتۇسۋى مۇمكىن ەكەنىن ايتقان.
بۇدان بۇرىن ب ۇ ۇ بوسقىندار ىستەرى بويىنشا جوعارى كوميسسياردىڭ ارنايى ەلشىسى رەتىندە گۋمانيتارلىق باعىتتا جۇمىس ىستەيتىنىن مالىمدەگەن دجولي كلەوپاترا فيلمى ونىڭ ەرەكشە ءرولى بولاتىنىن جاسىرعان جوق.
ەسكە سالا كەتەيىك، تاياۋ كۇندەرى دجولي ساياسات مانسابىنا اۋىساتىنىن ايتقان بولاتىن.
