ادامدى جاسارتاتىن تاعامدار بەلگىلى بولدى

الماتى. قازاقپارات - امەريكاندىق ۋنيۆەرسيتەتتەر مەن ەۋرو وداق عالىمدارى ادام اعزاسىن جاسارتاتىن تاعامداردىڭ ءتىزىمىن جاسادى.

 20 عا جۋىق تاعامنان تۇراتىن ءتىزىم ادام اعزاسىنىڭ قارتايۋىنا بيوحيميالىق ىقپال ەتۋ جايىنداعى سوڭعى عىلىمي جاڭالىقتاردىڭ نەگىزىندە جاسالدى.

قارا شوكولاد، شاي، كوفە، الما، قاراقات، قارا ورىك، بروكولي، شيە، قىزاناق، انار، اپەلسين، شابدالى، تاڭقۋراي، قىزىل ءجۇزىم، قىزىل پياز، قۇلپىناي اعزا جاسۋشالارىنىڭ ءومىر ءسۇرۋ ۋاقىتىن ۇزارتادى. مامانداردىڭ ايتۋىنشا، ەت، بالىق، ءسۇت، جارمالار اعزاعا قاجەتتى ماي مەن مينەرالدى زاتتار بەرەدى.

ال، جارتىلاي فابريكاتتار، ءتاتتى تاعامدار، قۋىرىلعان تاماق، تۇز، ەنەرگەتيكالىق ىشىمدىكتەر ادام اعزاسىنىڭ تەز قارتايۋىنا ىقپال ەتەتىندىگى عىلىمي تۇرعىدان دالەلدەنىپ وتىر.

اۆتور: گۇلميرا عوسمانالي