ەلوردا كۇنى مەرەكەسىندە «استانا اسپانى» ساياباقتار فەستيۆالى وتەدى
دەپ حابارلادى astana.gov.kz سايتى.
استانانىڭ ءار تۇرعىنى كوك اسپان استىندا، تابيعات اياسىندا دەمالعانىن سەزىنەدى دەسەك بولادى. فەستيۆال قوناقتارى شارا بارىسىندا تالعامىنا ساي ەرمەك تابا الادى. قالالىق ساياباقتاردى استانانىڭ اسپانى بىرىكتىرەدى. ءار ساياباقتىڭ ءوز ەرەكشەلىگى بولادى. مىسالى، «ستۋدەنتتىك» باقتا «مەنىڭ ەستەلىكتەرىمنىڭ بۇلتتارى» رەترو باعدارلاماسى كوپشىلىك نازارىنا ۇسىنىلادى.
«جەرۇيىق» ساياباعىندا ەلوردا تۇرعىندارى مەن قوناقتارى «الەم جۇلدىزدارى» ەتنو- باعدارلاماسىمەن تانىسادى، ال ورتالىق مادەنيەت جانە دەمالىس باعىندا جاس استانالىقتارعا ارنالعان «بالالىق شاق كەمپىرقوساعى» ، عاشىقتار باعىندا ارمانشىل جاندارعا «ماحاببات كۇنشۋاعى» شاراسى وتكىزىلەدى.
ءار ساياباقتا كەلۋشىلەرگە تاڭ اتقاننان كەش باتقانشا ويىن- ساۋىق باعدارلاماسى ۇسىنىلادى. دەمالۋشىلارعا قولايلى جاعداي جاساۋ ماقساتىندا قوعامدىق تاماقتانۋ ورىندارى مەن ورازا ۇستايتىندارعا اۋىز اشۋعا ارنالعان ورىندار اشىلادى.
