بابامىزدان قالعان باسپانا شەتەلدىكتەردىڭ سۇرانىسىنا يە
بەس جىل بويى ماشىقتانعان شەبەرلەر ءوز ءىسىن مۇلتىكسىز اتقارادى. ءۇيدىڭ قاڭقاسىن كەسۋ، جونۋ، ءيىپ قالىپقا كەلتىرۋ، بوياۋ سياقتى نەگىزگى جۇمىستار شەبەرحانادا جاسالادى.
كيىز ءۇيدى قۇراۋ - تۇنىپ تۇرعان گەومەتريا، سوندىقتان وعان مۇقيات ەسەپ كەرەك. ابدەن قىرناپ جونىلعان، جوڭقاسىنا دەيىن تازارعان دايىن ۋىق بولۋ كەرەك. ءوندىرىس بولعاننان كەيىن مۇندا ءبارىنىڭ ءوز ولشەمى بار. مىسالى التى قانات اق وردا مەن 12 قانات ۇيگە پايدانالاتىن ۋىقتاردىڭ ۇزىندىعى ءارتۇرلى بولىپ كەلەدى ەكەن. ال ىسمەرلەر بولمەسى كيىز ءۇيدىڭ ءىشىن جاساقتاۋمەن شۇعىلدانادى. باستى ماقسات - بۇيىمداردى بارىنشا ءتۇپنۇسقاعا ۇقساس ەتىپ جاساۋ.
قۇرماناي كاكىمجانوۆا، تىگىنشى:
- بۇرىنعى كەزدە اجەلەر سياقتى تىككىمىز كەلەدى. بۇرىن اتا- بابامىز كيىز ۇيدە تۇرعان. كيىز ۇيدە كورپەلەر بولاتىن، اجەلەلەرىمىز تىگەتىن قورجىندار بولاتىن. قازىر سونىمەن اينالىسامىز. كاسىپورىن قىزمەتكەرلەرى تاپسىرىس تۇسسە، ايىنا 5 تەن 20 عا دەيىن كيىز ءۇي جاساۋعا قاۋقارلى. دايىن ەتنو ونىمدەردىڭ 20-30 پايىزى رەسەيگە جىبەرىلەدى. كەدەندىك كەدەرگىلەر جويىلعالى كورشىلەس چەليابى، قورعان، تۇمەن وبلىستارىنان سۇرانىس كوبەيگەن.
ايدار بەيسەنبايەۆ، كاسىپكەر:
- كەدەندىك وداقتىڭ پايداسى وتە زور، ويتكەنى كيىز ۇيلەردى ەكسپورتقا شىعارۋ جەڭىلىرەك بولدى. قازىر بۇرىنعىداي قاعازداردى كوپ دايىنداپ كەرەگى جوق. كەلەدى دە كەرەگىنشە وزدەرى الىپ كەتەدى. رەسەيلىكتەر قازاقتىڭ كيىز ءۇيىن ەكوتۋريزمدى دامىتۋ ماقساتىندا ساتىپ الادى ەكەن. سىرت ەلگە ساۋدالاناتىن بۇيىمداردىڭ ۇلتتىق بوياۋى قانىق. «ءبىزدىڭ ماقساتىمىز - بابامىز تۇتىنعان باسپانانى برەندكە اينالدىرىپ، الەمنىڭ سۇرانىسىن تۋعىزۋ» ، - دەيدى قوستانايلىق شەبەرلەر.
اۆتورلارى: ابىلاي ماۋدانوۆ، ەرمەك مۇحامەدياروۆ
24.kz
