14:57, 02 - ماۋسىم 2014 | GMT +5
باراك وبامانىڭ ەۋروپاعا ساپارى باستالادى
استانا. قازاقپارات - ا ق ش پرەزيدەنتى باراك وباما بۇگىن پولشا، بەلگيا جانە فرانتسياعا ءتورت كۇندىك جۇمىس ساپارىن باستايدى. ۆارشاۆادا وباما پولشا باسشىلارىمەن قاتار ۋكراينانىڭ جاڭادان سايلانعان پرەزيدەنتى پەتر پوروشەنكومەن دە كەزدەسپەك.
بەلگيادا ا ق ش پرەزيدەنتى «ۇلكەن جەتىلىك» ەلدەرىنىڭ وزگە باسشىلارىمەن كەلىسسوزدەر جۇرگىزەدى. «ۇلكەن جەتىلىك» ەلدەرىنىڭ باسشىلارى ەۋروپانى رەسەيگە ەنەرگەتيكالىق تاۋەلدىلىكتەن شىعارۋ جولدارىن جانە ماسكەۋگە سانكتسيالاردى كۇشەيتۋ جايىن تالقىلاماق.
وباما بۇدان سوڭ فرانسياعا بارىپ، ەكىنشى دۇنيەجۇزىلىك سوعىس كەزىندە ناتسيستىك گەرمانياعا قارسى وداقتاس ەلدەردىڭ ەۋروپادا اسكەري وپەراتسياسى باستالعانىنا 70 جىل تولۋىنا بايلانىستى نورمانديا ايماعىنداعى ەسكە الۋ شارالارىنا قاتىسادى.
نورماندياداعى شارالارعا رەسەي پرەزيدەنتى ۆلاديمير پۋتين دە قاتىسادى دەپ جوسپارلانىپ وتىر. بۇعان دەيىن اق ءۇي نورمانديادا باراك وبامانىڭ رەسەي پرەزيدەنتى ۆلاديمير پۋتينمەن كەزدەسۋ جوسپارى جوق دەپ مالىمدەگەن.
«ازاتتىق»
