ق. كەلىمبەتوۆ: الماتى ازياداعى ءىرى قارجى ورتالىقتارىنىڭ وندىعىنا كىرۋى كەرەك

 استانا. قازاقپارات - الماتى قالاسى جاھاندىق قارجى ورتالىعىنىڭ كورسەتكىشىندە 58- ورىندا تۇر. بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا ق ر ۇلتتىق بانكىنىڭ ءتوراعاسى قايرات كەلىمبەتوۆ وسىلاي ءمالىم ەتتى.

«قارجى ورتالىقتارىنىڭ باسەكەگە قابىلەتتىلىگى جونىندەگى جاھاندىق يندەكس بار. ولاردىڭ الەمدەگى سانى - 83. الماتى قالاسى وسى يندەكستە 58- ورىندا تۇرىپ، ماسكەۋ، ۆارشاۆا، مانيلا سەكىلدى قارجى ورتالىقتارىن باسىپ وزدى. وسىنىڭ ءوزى كورسەتكىشتىڭ جاعىمدى ەكەنىن اڭعارتادى، الايدا ءبىز ءالى دە اۋقىمدى جۇمىستاردى اتقارۋىمىز كەرەك» ، - دەدى ۇ ب ءتوراعاسى.

ونىڭ ايتۋىنشا، الداعى مىندەت بويىنشا الماتى ازياداعى ءىرى قارجى ورتالىقتارىنىڭ وندىعىنا كىرۋى كەرەك.

«ارينە، ءبىز ازياداعى يندەكستىك كورسەتكىش بويىنشا 13- ورىندا تۇرمىز. سول تۇرعىدان العاندا، مىندەتتى تولىق ورىنداۋعا مۇمكىندىك بارشىلىق» ، - دەدى ق. كەلىمبەتوۆ.

  اۆتور: قانات مامەتقازى ۇلى