جىل سوڭىنا دەيىن الماتى قالاسىن قارجى ورتالىعى رەتىندە دامىتۋ تۇجىرىمداماسى قابىلدانۋى كەرەك - ق ر ۇلتتىق بانكى
بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا ق ر ۇلتتىق بانكىنىڭ ءتوراعاسى قايرات كەلىمبەتوۆ وسىلاي ءمالىم ەتتى.
«قۇجاتتى دايىنداۋعا بارلىق مەملەكەتتىك ورگاندار قاتىسىپ جاتىر. بۇنىمەن قوسا، جۇمىسقا ەۋروپالىق قايتا قۇرۋ جانە دامۋ بانكىنىڭ، ازيا دامۋ بانكىنىڭ ساراپشىلارى، دۇنيەجۇزىلىك بانك پەن يسلام دامۋ بانكىنىڭ وكىلدەرى دە اتسالىسۋدا. بۇدان بولەك، بۇل باعىتتاعى جۇمىسقا قارجى ورتالىقتارىن دامىتۋ سالاسىنداعى، جاھاندىق قارجى ورتالىقتارى مەن يسلامدىق قارجىلاندىرۋ سالاسىنىڭ جەتەكشى كونسۋلتانتتارى دا قاتىسادى» ، - دەدى ۇ ب ءتوراعاسى.
ونىڭ ايتۋىنشا، اتالعان جۇمىس بويىنشا بۇگىنگى تاڭدا الدىن الا قادامدار قارالعان.
« 2004 - جىلدان بەرى اۋقىمدى جۇمىستار اتقارىلدى. دەگەنمەن، لوندون، شياڭگاڭ، سينگاپۋر مەن دۋباي سەكىلدى ۇلكەن قارجى ورتالىقتارىنىڭ دامۋىن زەردەلەي وتىرىپ، ولاردىڭ تاجىريبەسىن، وڭىرلىك قارجى ورتالىعىن قازاقستاندا دامىتۋدى قاراستىرۋىمىز كەرەك. ال بۇل تاجىريبەگە سۇيەنسەك، بىزدە ەكونوميكانىڭ باسەكەگە قابىلەتتىلىگىنىڭ دەڭگەيى جوعارى بولۋى كەرەك» ، - دەي كەلە ۇ ب باسشىسى جاھاندىق ەسەپكە سايكەس، قازاقستاننىڭ باسەكەگە قابىلەتتى ەلدەردىڭ ەلۋلىگىندە ەكەنىن جەتكىزدى.
« بۇدان بولەك، ءتيىستى بيزنەس- ورتا قالىپتاسۋى شارت. بۇل رەتتە ءبىز ءۇشىن «Doing Business» بيزنەستى جۇرگىزۋ كورسەتكىشىن جاقسارتا ءتۇسۋ قاجەت» ، - دەدى ق. كەلىمبەتوۆ.
ونىڭ سوزىنە قاراعاندا، سينگاپۋر مەن گونگكونگ سەكىلدى جاھاندىق قارجى ورتالىقتارى «Doing Business» رەيتينگىسىندە 1-2 - ورىنداردا تۇرسا، لوندون ورتالىعى 10شى، دۋباي 23 شى ورىندا.
«سوندىقتان ءبىز الەمدىك وزىق ستاندارتتارعا جاقىنداۋىمىز كەرەك»، - دەدى ول.
اۆتور: قانات مامەتقازى ۇلى
