ايماقتاردا شتاتتار سانى كولەمى اتقارىلاتىن جۇمىس كولەمىنە سايكەس ەمەس - قىزىلوردا وبلىسىنىڭ اكىمى
دەپ حابارلادى وبلىس اكىمدىگىنىڭ باسپا ءسوز قىزمەتىنەن.
«ۇكىمەت تاراپىنان جەرگىلىكتى ءوزىن- ءوزى باسقارۋدى كەزەڭ- كەزەڭىمەن ەنگىزۋ جانە دامىتۋ بويىنشا ۇلكەن جۇمىستار اتقارىلدى. دەگەنمەن، ايماقتارعا بەلگىلەنگەن مەملەكەتتىك قىزمەتكەرلەردىڭ شتاتتىق سانى اتقارىلاتىن مىندەتتەر كولەمىمەن جانە ءوڭىردىڭ حالىق سانىنا سايكەس كەلمەيدى» ، - دەدى ول.
ماسەلەن، حالىق سانى 743 مىڭ قۇرايتىن قىزىلوردا وبلىسىندا 1900 شتاتتىق بىرلىك بولىنسە، 749 مىڭ حالقى بار پاۆلودار وبلىسىندا شتات سانى 2800 دەن اسادى. ياعني، 900 بىرلىككە ارتىق.
ايتپاقشى، ستاتيستيكالىق مالىمەتتەردە قىزىلوردا وبلىسىندا 743 مىڭ ادام دەپ كورسەتىلگەنىمەن، مەديتسينالىق ەسەپتە 823 مىڭ ادام تۇر. وعان قوسا، وبلىس حالقىنىڭ تابيعي ءوسىم كورسەتكىشتەرى بويىنشا رەسپۋبليكادا ۇزدىك ۇشتىككە كىرەدى.
سونداي- اق جيىن بارىسىندا قىزىلوردا وبلىسىنىڭ اكىمى جەرگىلىكتى ءوزىن- ءوزى باسقارۋ جۇيەسىنىڭ تيىمدىلىگىن ارتتىرۋ بويىنشا ءبىرقاتار ۇسىنىستارىن ءبىلدىردى. ونىڭ پىكىرىنشە، اۋىلدىق وكرۋگتەردىڭ اكىمدەرى بارلىق مەملەكەتتىك قۇرىلىم وكىلدەرىنىڭ، ياعني ۋچاسكەلىك ينسپەكتور، مال دارىگەرى جانە ت. ب. جۇمىسىن ۇيلەستىرىپ وتىرۋلارى كەرەك. بۇل تۋرالى ايماق باسشىسى بۇدان بۇرىن دا بىرنەشە رەت ايتىپ وتكەن بولاتىن. سالالىق مينيسترلىكتەر مەن كوميتەت وكىلدەرى كەيدە، مىسالى، ق ر ى ءى م- نە باعىناتىندارىن سىلتاۋراتىپ، اكىمشىلىك بيلىكتى مويىنداعىسى كەلمەيتىنىن اتاپ ءوتتى.
«دەگەنمەن، اۋىلدىق وكرۋگتەردىڭ اكىمدەرى پرەزيدەنتتىڭ وڭىرلەردەگى وكىلدەرى بولىپ تابىلادى، سوندىقتان ولار باستى باسقارۋشى تۇلعا بولۋى ءتيىس» ، - دەيدى وبلىس اكىمى.
سونداي- اق ايماق باسشىسى اۋىل اكىمدەرى مەن ولاردىڭ اپپاراتتارىنىڭ قۇقىقتىق جانە قارجىلىق ساۋاتسىزدىعى ءالى دە ءجيى كەزدەسەتىنىن تىلگە تيەك ەتتى.
«سوندىقتان جەرگىلىكتى ءوزىن- ءوزى باسقارۋ ورگاندارىنىڭ قارجىلىق قۇزىرەتتىلىگىن تاپسىرۋدى 2017 -جىلعا دەيىن قالدىرعان ءجون» ، - دەدى ءوڭىر باسشىسى.
اۆتور: ەلۋباي اۋەزوۆ
