الماتىلىق تۇلەكتەردىڭ قوسىمشا سوربوننا ۋنيۆەرسيتەتىنىڭ ديپلومىن الاتىن شاقتا الىس ەمەس

الماتى. قازاقپارات - الەمنىڭ جەتەكشى وقۋ ورىندارىنىڭ ءبىرى سوربوننا ۋنيۆەرسيتەتى الماتىدا بولاشاقتا فرانتسۋز تىلىندە ءدارىس بەرەتىن بىرنەشە فاكۋلتەتتەر، مەكتەپ مەن مەكتەپ جاسىنا دەيىنگى بالالار مەكەمەلەرىن اشپاق.

بۇل تۋرالى قالا اكىمىمەن كەزدەسۋ بارىسىندا سوربوننا ۋنيۆەرسيتەتىنىڭ رەكتورى جان- يۆا مەريندول ايتى.
 
 «ءبىز اباي اتىنداعى قاز ۇ پ ۋ- مەن ارادا ءوزارا سەرىكتەستىك قارىم- قاتىناس ورناعانىنا قۋانىشتىمىز. 2014 -جىلدىڭ قىركۇيەگىنەن باستاپ ءسىزدىڭ قالادا مەنەدجمەنت جانە حالىقارالىق بايلانىس بويىنشا ەكى ماگيسترلىك ماماندىق اشىلادى. الماتى مەن سوربوننا جوعارى وقۋ ورىندارى اراسىنداعى ىنتىماقتاستىق پەن بايلانىس ودان ءارى داميدى دەپ سەنەمىن» ،  - دەدى جان- يۆ مەريندول.

اتالعان ماگيسترلىك ماماندىقتى ءتامامداعان تۇلەكتەر اباي اتىنداعى قازۇپۋ مەن سوربوننا ۋنيۆەرسيتەتىنىڭ ديپلومدارىن الاتىن بولادى.

«الماتى - قازاقستاننىڭ ءىرى ءبىلىم ورتالىعى بولىپ تابىلادى. رەسپۋبليكاداعى ءاربىر ءۇشىنشى ستۋدەنت الماتىدا ءبىلىم الۋدا. ءارى بيىلعى جىل الماتىدا ءبىلىم جىلى بولىپ جاريالانعان بولاتىن. سوندىقتان الماتىدا سوربوننا ۋنيۆەرسيتەتى فيليالىنىڭ اشىلۋى سياقتى ماڭىزدى ءىس ەكى جاقتى بايلانىستى ودان ءارى نىعايتاتىنىنا سەنىمدىمىز» ، - دەدى قالا اكىمى ا. ەسىموۆ.

اۆتور:   گۇلميرا عوسمانالي