تۇركى الەمىندە وزىندىك ورىنى بار تۇلعالار « قىزىل الما» سىيلىعىن يەلەندى
- دەپ حابارلايدى Baq.kz ءتىلشىسى تۇركى اكادەمياسىنىڭ باسپا ءسوز قىزمەتىنە سىلتەمە جاساي وتىرىپ.
تۇركى الەمى ءۇشىن وزىندىك ەرەكشە سىيلىق تاعايىنداۋ شەشىمى بىلتىر ساۋىردە ىستانبۇل قالاسىندا وتكەن ІІ «الەم تۇركىلەرى فورۋمىندا» قابىلدانعان بولاتىن.
وعان يە بولعانداردىڭ باسىم كوبى ءوز سالاسىندا تۇگەل تۇركىنىڭ ماقتانى عانا ەمەس، تۇركى الەمىندە وزىندىك ورىنى بار تۇلعالار. « سپورت » اتالىمى بويىنشا « قىزىل الما» سىيلىعى لوندون وليمپياداسىنىڭ چەمپيونى، ۆەل باركەر كۋبوگىنىڭ يەگەرى، داڭقتى بوكسشىمىز سەرىك ساپييەۆ پەن ۆولەيبولدان تۇركيانىڭ ۇلتتىق قۇراماسى ويىنشىسى، تالاي جۇلدە سالعان ناز ايدەميرگە بەرىلدى.
باسقا اتالىمدار بويىنشا مىنالار ماراپاتتالدى:
« مەملەكەت » اتالىمىندا ر ف تاتارستان پرەزيدەنتى رۋستام ميننيحانوۆ پەن تۇركيا ۇلتتىق ءبىلىم ءمينيسترى، پروفەسسور نابي اۆجى؛
« ديپلوماتيا » اتالىمى بويىنشا تۇركى كەڭەسىنىڭ باس حاتشىسى حاليل اقىنجى، قازاقستاننىڭ سىرتقى ىستەر ءمينيسترى ەرلان ىدىرىسوۆ جانە قازاقستاننىڭ تۇركياداعى ەلشىسى جانسەيىت تۇيمەبايەۆ؛
« ىسكەرلىك » اتالىمى بويىنشا تۇركيا پالاتالارى جانە قور نارىعى وداعى؛
« عىلىم » اتالىمى بويىنشا تۇركيا عىلىمى تاريح وداعىنىڭ باسشىسى پروفەسسور ەكمەلەددين ينسانوعلى مەن بەلگىلى ەكونوميكاشى عالىم، پروفەسسور نيەۆزات يالچىنتاش؛
« مادەنيەت » اتالىمى بويىنشا تۇركسوي حالىقارالىق ۇيىمى مەن تۇركى الەمى مۋزىكا بىرلىگىنىڭ جەتەكشىسى يرفان گۇردال؛
« ونەر» اتالىمىندا قىرىم تاتارى ءانشىسى جامال جامالادينوۆا مەن تۇرىكتىڭ تانىمال ءانشىسى ورحان گەنجەباي؛
«تەحنولوگيا» اتالىمى قىرعىز رەسپۋبليكاسىنىڭ ماناس ۋنيۆەرسيتەتى مەن ءازىربايجاننىڭ ۇلتتىق عىلىم اكادەمياسىنىڭ شەماحا استروفيزيكا زەرتحاناسى؛
«ستراتەگي يا» اتالىمىندا ءازىربايجاننىڭ دياسپورا ءمينيسترى نازىم يبراگيموۆ، ەدىرنە قالاسى اكىمى حاسان دۋرۋەر جانە ەسكيشەحير اكىمى گۇنگور ازيم تۋنا؛
«ديپلوماتيا» سىيلىعى بويىنشا تۇركيالىق قايراتكەرلەر مەن جۋرناليستەر: تورحان المۋفتي، احمەت يەشىلتەپە مەن مۋرتەزا سۋلۋجووجالارعا « قىزىل الما» سىيلىعى تابىس ەتىلدى.
ماراپاتتاۋ كەزىندە قازاقستاننىڭ ايگىلى « ۇلىتاۋ» توبىنىڭ اۋەنى اسقاقتاپ تۇردى.
ەستەرىڭىزگە سالا كەتەيىك، تۇرىك ازيا ستراتەگيالىق زەرتتەۋ ورتالىعىنىڭ (TASAM) ۇيىمداستىرۋىمەن جيىن بيىل ءۇشىنشى مارتە وتۋدە. تۇركى الەمى مەن تۇركى دياسپورالارىنا ارنالعان فورۋمعا 60 قا جۋىق ەلدەن 400 گە تارتا عالىمدار، مەملەكەت قايراتكەرلەرى، ديپلوماتتار، جۋرناليستەر، ازاماتتىق ۇيىم جانە زيالى قاۋىم وكىلدەرى قاتىسۋدا.
28 - مامىر باستالعان جيىن بۇگىن اياقتالادى.
