التى جاسار قىز اناسىن قۇتقاردى

استانا. قازاقپارات - التى جاسار قىزدىڭ سۋرەتتەرى اناسىنىڭ ءومىرىن قۇتقاردى، دەپ جازادى شەتەلدىك ب ا ق.

 2011 - جىلى 50 جاستاعى دجەنني ۋيليامس بۇيرەك الماستىرۋ وپەراتسياسىنا مۇقتاج ادامدار تىركەلگەن تىزىمگە ەندى. الايدا بۇل تىزىمدە ودان باسقا 2200 ناۋقاس بار.

 ەكى بالانىڭ اناسىنا بۇنداي وتا 26 جاسىندا جاسالعان ەدى. ول كەزدە وعان تۋعان اعاسى دونور بولعان. دەگەنمەن وپەراتسيا ناتيجە بەرمەدى.

سوڭعى ءۇش جىلدا ايەل ماسساچۋتەس شتاتىندا ەم الىپ جۇرگەن. اۋرۋحاناعا كەلىپ جۇرەتىن ەمدەلۋشىنىڭ 6 جاسار قىزى اناسىنا كومەكتەسپەك بولادى. ول قولىنا قاعاز الىپ سۋرەت سالا باستايدى. كىشكەنتاي قىز ۇلكەن قاعازعا كەمپىرقوساق، جۇرەك سالىپ، «اناما بۇيرەك قاجەت» دەپ جازادى. قول ۇشىن سوزار ادام تابىلىپ قالار دەگەن ۇمىتپەن استىنا اناسىنىڭ تەلەفون نومەرىن جازىپ قويادى.

سودان كەيىن قىز بۇل سۋرەتتى جاقىن جەردەگى شىركەۋگە اپارادى. شىرەكۋگە كەلۋشىلەر كىشكەنتاي قىزدىڭ بۇل تالپىنىسىنا ءسۇيسىنىپ، وعان كومەكتەسەدى. قىزدىڭ حابارلاماسىن بارلىق شتاتقا تاراتادى.

وسىلايشا، ءۇش جىل بويى ۇزدىكسىز ىزدەستىرىپ جۇرگەن ورگان اقىرى تابىلدى. بوستونداعى تافتس ورتالىعىندا وتكەن بۇيرەك الماستىرۋ وپەراتسياسى ءساتتى وتەدى.

ا ق ش ۇلتتىق بۇيرەك قورىنان (National Kidney Foundation) تۇسكەن مالىمەتكە قاراعاندا، قاجەتتى دونوردى كۇتۋمەن كۇنىنە 14 ادام كوز جۇمادى ەكەن.