ءتولقۇجاتى شيمايلانعان قىتايلىق ازامات وڭتۇستىك كورەيادان كەتە الماي قالدى

 استانا. قازاقپارات - قىتايلىق وتباسىنىڭ بەلگىلى ءبىر ۋاقىتقا دەيىن وڭتۇستىك كورەيادا قالۋىنا تۋرا كەلدى. سەبەبى بالاسى اكەسىنىڭ پاسپورتىن تانىماستاي ەتىپ شيمالاپ تاستاعان،

دەپ حابارلادى Metro.co.uk.

  وڭتۇستىك كورەياعا بارعان كەزدە بالاسى اكەسىنىڭ پاسپورتىن الىپ، ونى سۋرەت سالاتىن البوم رەتىندە قولدانعان. ول اكەسىنىڭ سۋرەتى بار بەتتەن باستاپ، ادامداردىڭ، جانۋارلار مەن باسقا دا سۋرەتتەردى سالىپتى.

بالانىڭ تىم اۋەستەنىپ كەتكەنى سونشالىق، ول سۋرەتتىڭ ۇستىنە قارا فلوماستەر كومەگىمەن ازداعان شاش قوسقان.

بۇل جەردەگى باستى ماسەلە - سۋرەتتەگى اكەسىنىڭ تانىماستاي بولىپ وزگەرۋى. اۋەجاي قىزمەتكەرلەرى ونىڭ قىتايعا اتالعان سۋرەتپەن قايتا المايتىنىن ەسكەرتىپ، ەلدەن كەتۋىنە تىيىم سالدى.