09:53, 01 - ماۋسىم 2014 | GMT +5
ادامدى نە تەز قارتايتاتىنىن بىلەسىز بە؟
استانا. قازاقپارات - مەديتسينا قىزمەتكەرلەرى ادامنىڭ ۇنەمى قوبالجۋدا بولۋى جالپى اعزانىڭ قارتايۋ پروتسەسىن تەزدەتەتىنىن ايتادى. بۇل تۋرالى روس بالت جازادى.
امەريكالىق عالىمدار قوبالجۋ جاعدايى مەن اعزاداعى جاسۋشالاردىڭ اراسىنداعى ءوزارا قارىم- قاتىناس ناتيجەسىن الۋ ماقساتىندا زەرتتەۋ جۇرگىزگەن. وعان 42-69 جاس ارالىعىنداعى 5000 ايەل ادام قاتىسقان.
قاتىسۋشىلارعا وزدەرىنىڭ نەدەن قورقاتىنىن كورسەتەتىن سۇراقتار ساۋالناماسىن تولتىرۋ قاجەت بولعان.
انىقتالعان ءوزارا بايلانىس بىلاي تۇسىندىرىلەدى: جاسۋشا دەڭگەيىندەگى قوبالجۋ جاعدايى بەلگىلى ءبىر زاقىم اكەلىپ، ونىڭ دامۋىنا نەگىز بولادى. سول سەبەپتى جاسۋشالار تەز قالپىنا كەلمەي، ادام تەز قارتايا باستايدى.
