ەلباسى پەتر پوروشەنكونى ۋكراينا پرەزيدەنتى لاۋازىمىنا سايلانۋىمەن قۇتتىقتادى

استانا. قازاقپارات - مەملەكەت باسشىسى نۇرسۇلتان نازاربايەۆ ۋكراينا پرەزيدەنتى لاۋازىمىنا سايلانۋىنا بايلانىستى پەتر پوروشەنكوعا قۇتتىقتاۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتىنەن حابارلاندى.

قازاقستان پرەزيدەنتى سايلاۋ ناتيجەلەرى وزەكتى الەۋمەتتىك-ەكونوميكالىق ماسەلەلەردى شەشۋگە، ىشكى ساياسي تۇراقتىلىققا قول جەتكىزىپ، قوعامدى بىرىكتىرۋگە باعىتتالعان پ. پوروشەنكونىڭ سايلاۋالدى باعدارلاماسىنىڭ كەڭىنەن قولداۋ تاپقاندىعىنىڭ ايعاعى ەكەنىن اتاپ وتكەن.

نۇرسۇلتان نازاربايەۆ پ. پوروشەنكونىڭ جاۋاپتى قىزمەتىنە تابىس، ال كورشىلەس ۋكراين حالقىنا تاتۋلىق، تۇراقتىلىق جانە باق-بەرەكە تىلەگەن.