00:21, 01 - ماۋسىم 2014 | GMT +5
فۋتبول: مەسسيدىڭ سىنشىسى كىم؟
استانا. قازاقپارات - «بارسەلونانىڭ» شابۋىلداۋشىسى ليونەل مەسسي ESPN-عا بەرگەن سۇحباتىندا ءوزىنىڭ ويىنىن بارىنشا مۇقيات ساراپتاپ، ەگەر ناشار ويناسا ءوزىن اقتاپ الۋعا تىرىسپايتىنىن مالىمدەدى.
«مەنىڭ ەڭ باستى سىنشىم - ول مەنىڭ ءوزىم. مەن ءوزىمنىڭ قاشان جاقسى، قاشان جامان ويناعانىمدى بىلەمىن. مەن فۋتبولدان راحاتتانعان سەزىم الماعاندا، ءوز اياق كيىمىمدى شەگەگە ءىلىپ قويامىن. بالا كۇنىمنەن مەن تەك فۋتبول ويناعىم كەلەتىن جانە ونى وسى كۇنگە دەيىن ويناپ كەلەمىن. مەن - وتباسى مەن دوستارى بار قاراپايىم اداممىن. الەم چەمپيوناتىنا كەلەتىن بولساق، وعان بولا باسىمدى قاتىرمايم، ءبىراق مەن ءوز ەلىم ءۇشىن مۋنديالدى ۇتىپ العىم كەلەدى»، - دەپ مالىمدەدى مەسسي.
