ۇلى بريتانيا كەدەيلەرىنىڭ جاعدايى بۇرىنعىدان دا ناشارلاي تۇسكەن
ولاردىڭ ايتۋىنشا، الەۋمەتتىك تولەمدەردى ازايتۋ سالدارىنان كەدەيلەردىڭ تۇرمىستىق جاعدايى ايتارلىقتاي تومەندەپ، كوپشىلىكتىڭ ازىق-تۇلىك الاتىن جانە ەلەكتر قۋاتىنا تولەيتىن قاراجاتى جوق.
ۇلى بريتانيانىڭ ۇكىمەتى بيۋدجەتتى ۇنەمدەپ، الەۋمەتتىك تولەمدەردى ازايتتى. سالدارىنان مىڭداعان ادام جۇمىسسىز قالدى. جالعىزباستى اتا-انالار مەن مۇمكىندىگى شەكتەۋلى جانداردىڭ كۇنكورىس جاعدايى ناشارلادى.
رەسمي مالىمەتتەرگە سۇيەنسەك، تەگىن تاماق بەرەتىن ارنايى ورىنداردىڭ كومەگىنە جۇگىنەتىن بريتانيالىقتاردىڭ سانى سوڭعى جىلى 163 پايىزعا وسكەن. ۇكىمەت كەدەيلەر جاعدايىنىڭ ناشارلاۋىنا الەۋمەتتىك رەفورمالاردىڭ ەش قاتىسى جوق دەپ مالىمدەدى.
الايدا ءىستىڭ ناقتى ءمان-جايى ولاردىڭ بۇل ءسوزىن تەرىسكە شىعارىپ وتىر. لورەين ريچاردسون - 4 بالانىڭ اناسى. ونىڭ جالعىز كۇنكورىس كوزى الەۋمەتتىك جاردەماقىلار بولاتىن.
لورەين ريچاردسون، ازىق-تۇلىك بانكىنىڭ تۇتىنۋشىسى:
- ازىق-تۇلىك بانكتەرى بار دەپ ەستىگەنمىن، ءبىراق بارماي ءجۇردىم. ءبىر امالىن تاۋىپ كۇن كورەم دەپ ويلايتىنمىن. الايدا تىعىرىققا تايانعان سوڭ امالسىز وسىندا كەلۋگە تۋرا كەلدى. لوندون بويىنشا ازىق-تۇلىك بانكىندە 350 تاماق بەرۋ ورنى بار. جەرگىلىكتى ەرىكتىلەردىڭ ايتۋىنشا، سوڭعى 4 جىل ىشىندە كەلۋشىلەر سانى 40 مىڭنان 290 مىڭعا جەتكەن.
كريس مولد، قايىرىمدىلىق قورىنىڭ ديرەكتورى:
- جاعدايدى ءبىر سوزبەن ايتۋعا بولادى. ول - قۇلدىراۋ. مۇنداي جاعداي وسىنداي ۇزاق بولماعان شىعار. كوپتەگەن ادامداردىڭ كەدەيلىك شەگىنەن تومەن ءتۇسىپ كەتۋىنىڭ سەبەبى دە وسى. تۇماندى البيون ۇكىمەتى جاعدايدىڭ وسىلاي بولعانى ءۇشىن دە حالىق الدىندا ۇيالاتىن سەكىلدى. دەگەنىمەن، پرەمەر-مينيستر ءوز كابينەتىنىڭ جۇمىسىن ماقتاۋدان قايتار ەمەس. دەۆيد كەمەرون، ۇلى بريتانيا پرەمەر-ءمينيسترى:
- لەيبوريستەر پارتياسى كەدەيلەردى ارنايى تاماقتاندىراتىن ورىندارعا جىبەرۋگە قارسى بولعان. ەندى جاعدايدى كوزبەن كورگەن سوڭ، ارنايى الەۋمەتتىك ورتالىقتار ادامداردى ازىق-تۇلىك بانكتەرىنە جىبەرۋگە ءماجبۇر.
حەلەن نورۆۋد، ۇلى بريتانيانىڭ لەيبوريستىك پارتياسىنىڭ مۇشەسى:
- قازىرگى ۇكىمەتتىڭ ءىس-ارەكەتتەرى سالدارىنان 13 ميلليون بريتاندىق تۇرعىنداردىڭ تۇرمىسى كەدەيلىك شەگىنەن اسىپ كەتتى. بيىلعى جازدا جوسپارلانىپ وتىرعان ۇنەمدەۋ شارالارى قابىلدانعان سوڭ جاعداي ودان ءارى قيىنداي ءتۇسۋى ابدەن مۇمكىن. جەتەكشى ساياسي پارتيالار «حالىقتىڭ بۇگىنگى مۇشكىل جاعدايىنا كىم كىنالى؟ » دەپ پىكىر-تالاسقا ءتۇسىپ جاتقاندا، وڭشىل راديكالدى بىرلەستىكتەر كۇشەيە باستادى. جۋىردا جەرگىلىكتى كەڭەستە وتكەن سايلاۋدا كوشى-قوندى شەكتەپ، البيوننىڭ ەۋرووداقتان شىعۋىن تالاپ ەتەتىن ۇلتشىلدار پارتياسى 5-ورىنعا شىقتى. ال كەيبىر ساياسي ساراپشىلار كەلەسى جىلدىڭ كوكتەمىندە وتەتىن پارلامەنت سايلاۋىندا كۇردەلى وزگەرىستەر بولۋ مۇمكىندىگىن العا تارتادى.
اۆتورى: بەلا كۋدايبەرگەنوۆا
24.kz
