ەرتەڭ بالالار قوعامدىق كولىكتەردە تەگىن جۇرەدى
30 - مامىر كۇنى قالانىڭ 5 اۋماعىنان اۋلا كلۋبى اشىلدى. قالا اكىمى ن. نالىبايەۆتىڭ بالالاردىڭ جاز مەزگىلىندەگى ۋاقىتىن ءتيىمدى ۇيىمداستىرۋ تۋرالى تاپسىرماسىنا سايكەس «قالادا اۋلا كلۋبتارىنىڭ قىزمەتىن ۇيىمداستىرۋ» الەۋمەتتىك جوباسى جۇزەگە اسىرىلۋدا. بۇل ماقساتقا قالالىق بيۋدجەتتەن 3 ملن. 410 مىڭ تەڭگە قارجى ءبولىندى.
حالىقارالىق بالالاردى قورعاۋ كۇنى قارساڭىندا قالانىڭ شەت اۋماقتارىندا: تيتوۆ قىستاعىنان «شاتتىق»، تاسبوگەت كەنتىنەن «جۇلدىز»، «اقمەشىت» مولتەك اۋدانىنان «سامعاۋ»، №253-ورتا مەكتەپتەن «جىگەر» جانە «ازامات» پيك-نەن «دوستىق» اۋلا كلۋبتارى اشىلدى. الداعى ۋاقىتتا بەلكول كەنتىنەن اۋلا كلۋبىن اشۋ جوسپارلانۋدا. اۋلا كلۋبتارىندا بالالار مەن جاستارعا ءتۇرلى ۇيىرمەلەر مەن سپورتتىق سەكتسيالاردىڭ قىزمەتتەرى ۇيىمداستىرىلادى.
1 - ماۋسىم كۇنى قىزىلوردالىق بالعىندار قوعامدىق كولىكتەردە تەگىن ءجۇرىپ، قالالىق مادەني-دەمالىس پاركىندەگى اتتراكتسيونداردىڭ قىزمەتىن تەگىن پايدالاناتىن بولادى. سونداي-اق، قالاداعى «جىبەك جولى» ساۋدا ورتالىعىندا از قامتاماسىز ەتىلگەن جانە كوپبالالى وتباسى بالالارىنا «بوتاقان» ويىن-ساۋىق ورتالىعى، كينوتەاتر (1 سەانسى) تەگىن قىزمەت كورسەتەتىن بولادى.
جاز مەزگىلىندە 10-سىنىپتى بىتىرەتىن 2145 وقۋشى 10 كۇندىك ەڭبەك بريگادالارىنا تارتىلماق. سونداي-اق كوپقاباتتى تۇرعىن ۇيلەردىڭ اۋلالارىنداعى №177-سپورت الاڭدارىنا جانە مەكتەپتەردەگى باسكەتبول، ۆولەيبول، فۋتبول، شاحمات، دويبى، توعىزقۇمالاق ۇيىرمەلەرىنە 7500 گە جۋىق وقۋشى قاتىسادى.
اۆتور: ەلۋباي اۋەزوۆ
