ەلوردا جاستارى ساياسي قۋعىن-سۇرگىن قۇرباندارىن ەسكە الدى
بۇل شارا ساياسي قۋعىن-سۇرگىن قۇرباندارىن ەسكە الۋ كۇنىنە وراي ۇيىمداستىرىلدى.
«بۇل كۇننىڭ ەلىمىز، ونىڭ ىشىندە جاستار ءۇشىن ماڭىزى زور. ويتكەنى جاستار بارىنشا ينتەللەكتۋالدى جەتىلگەن، ءبىلىمدى، بەلسەندى بولسا دا، ءوز تاريحىن بىلمەي ەلىمىزدىڭ دامۋىنا ءوز ۇلەسىن قوسا المايدى. سوندىقتان دا ەلىمىزدىڭ وتكەن تاريحىن ءبىلۋ - ءبىزدىڭ ازاماتتىق مىندەتىمىز. ءبىز تاريحىمىزدى ءبىلۋ ارقىلى بولاشاققا نىق قادام جاساي الامىز»، - دەدى ەۋرازيا ۇلتتىق ۋنيۆەرسيتەتىنىڭ ستۋدەنتى ىقىلاس جەتكەر.
شارا بارىسىندا جاستار تاراپىنان ازىرلەنگەن ادەبي-تەاترلاندىرىلعان قويىلىم ۇيىمداستىرىلىپ، س. سەيفۋللين ەسكەرتكىشىنە گۇل شوقتارىن قويۋ ءراسىمى ءوتتى. سونىمەن قاتار شاراعا قاتىسۋشىلار جازىقسىز قۇربان بولعانداردى ەسكە الۋ قۇرمەتىنە وراي س. سەيفۋللين، ءى. جانسۇگىروۆ، ب. مايلين، م. جۇمابايەۆتاردىڭ شىعارمالارىن وقىپ، س. سەيفۋللين اتىنداعى مەملەكەتتىك مۇراجايعا ساياحات ۇيىمداستىرىلدى.
اۆتور: مارلان جيەمباي
