ورازانىڭ دەنساۋلىققا پايداسى زور
بۇل سۇراعىڭىزعا مەديتسينا عىلىمىنىڭ ماگيسترى، ينەمەن ەمدەۋ قوعامىنىڭ مۇشەسى، اعا دارىگەر ماقسات ءابدىقادىر جاۋاپ بەرەدى: «365 كۇن بويى قالتقىسىز تاماق ءىشۋ - اعزاعا جۇك، زياندى. ول قان تامىرلاردى قاتايتادى. «اۋرۋ استان كەلەدى» دەگەن ءسوز بار. شىعىس مەديتسيناسىندا اشىقتىرىپ ەمدەۋ ءادىسى بار. اشىقتىرۋ ارقىلى يممۋنيتەتتىك مۇشەلەردىڭ: ۇيقى، كوكىرەك استى بەزدەرىنىڭ قىزمەتىن قالپىنا كەلتىرۋگە بولادى. يسلام مەديتسيناسىندا عىلىميلىق بار. كوپ اۋرۋ اسقازان ارقىلى كەلەدى. تاماقتى تويىپ ىشۋگە بولمايدى. ورازاداعىداي كۇنىنە ءبىر- ەكى رەت 18 ساعاتقا دەيىن تاماق ىشپەۋ اشى جانە توق ىشەكتەردەگى تۇرىپ قالعان شلاكتاردى سىڭىرىلگەنشە ءسىڭىرىپ، سىڭىرىلمەگەنىن سىرتقا شىعارادى. اۋىزاشار ۋاقىتىندا اس ىشكەن سوڭ اسقازان ارقىلى اشى، توق ىشەكتەر ارەكەتكە ءتۇسىپ، قىزمەتى جاقسارادى. ورازا - اللەرگيا سيپاتتى تەرى اۋرۋلارىنا؛ تەرىنىڭ مايلانۋ اۋرۋلارىنا؛ اسقازاننىڭ سوزىلۋىنا؛ سوزىلمالى اسقازان اۋرۋى، اسقازان تۇگىنىڭ قۇرۋى، توقىشەكتىڭ قابىنۋى؛ دەمىكپە، قانت ديابەتى؛ جۇرەك، قان تامىر اۋرۋلارى، جوعارى قىسىم، سەمىزدىككە، ءىشتىڭ قاتۋى مەن اسقازان قورىتپاۋىنا بىردەن- ءبىر شيپا» .
«الاش ايناسى»
