قازاق حالقىنىڭ دانالىعى جانە قوناقجايلىعىنىڭ ارقاسىندا تۇتاستاي حالىقتار امان قالدى - ەلباسىعا ۇندەۋ

استانا. قازاقپارات - كەشە شىعىس قازاقستان وبلىسى سەمەي قالاسىندا اتىنداعى مەملەكەتتىك ۋنيۆەرسيتەتىندە ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان « تاريحتان - تاعىلىم، وتكەنگە - تاعزىم» اتتى حالىقارالىق فورۋم ءوتتى.

شارا قورىتىندىسىندا فورۋمعا قاتىسۋشىلار مەملەكەت باسشىسىنا ۇندەۋ جولدادى.

«قازاقپارات» ۇندەۋدىڭ تولىق ءماتىنىن جاريالايدى.

***

 ساياسي قۋعىن- سۇرگىن قۇرباندارىن ەسكە الۋ كۇنىنە ارنالعان

 « تاريحتان - تاعىلىم، وتكەنگە - تاعزىم»   اتتى حالىقارالىق   عىلىمي-پراكتيكالىق   كونفەرەنسياعا   قاتىسۋشىلاردىڭ 

 قازاقستان رەسرۋبليكاسى پرەزيدەنتى ن. ءا. نازاربايەۆقا

ۇندەۋى

  

قۇرمەتتى نۇرسۇلتان ءابىش ۇلى!

 

 قازاقستان حالقى اسسامبلەياسىنىڭ 20 جىلدىعى قارساڭىندا ساياسي قۋعىن-سۇرگىن قۇرباندارىن ەسكە الۋ كۇنىن اتاپ وتە وتىرىپ، قازاقستان حالقى اسسامبلەياسى باستاماشى بولعان «تاريحتان - تاعىلىم، وتكەنگە - تاعزىم» حالىقارالىق فورۋمىنا قاتىسۋشىلار، ءسىزدىڭ بەيبىتشىلىك، قوعامدىق كەلىسىم جانە ەل بىرلىگىن كوزدەيتىن ساياساتىڭىزدىڭ ماڭىزدى باسىمدىقتارىنىڭ ءبىرى - بۇگىنگى جانە كەلەشەك ۇرپاققا ۇلگى بولاتىن تاريحي سانانى ساقتاۋ ەكەنىن مالىمدەيمىز.

ءسىزدىڭ ساياسي ەرىك-جىگەرىڭىزدىڭ ارقاسىندا قازاقستان حالىقارالىق قاۋىمداستىقتىڭ اراسىندا تولەرانتتىق جانە حالىقتار اراسىندا سەنىمدىلىك قوعامدىق مادەنيەتتىڭ نورماسى بولىپ تابىلاتىن جانە ادامگەرشىلىكتى ناسيحاتتايتىن ساياساتى بار مەملەكەتكە اينالدى.

ءبىزدىڭ جالپىعا ورتاق تاريحىمىزعا وبەكتيۆتى جانە شىنايى كوزقاراسىمىزدى قالىپتاستىراتىن جانە جىبەرىلگەن قاتەلىكتەردى قايتالاماۋ ءۇشىن ساباق بولاتىن توتاليتارلىق تەررور، حالىقتاردىڭ اۋقىمدى كۇشتەپ جەر اۋدارۋلارى، ساياسي قاماۋلار جانە رەپرەسسيالار تاريحىن زەرتتەۋ بويىنشا زور ەڭبەكتى اتاپ وتىرمىز.

اشتىق زارداپتارىن كورگەنىنە قاراماستان قازاق حالقىنىڭ تولەرانتتىعى، كەڭ پەيىلدىگى، دانالىعى جانە قوناقجايلىعىنىڭ ارقاسىندا ءجۇز مىڭداعان ادام ءتىرى قالىپ، تۇتاستاي حالىقتار امان قالدى.

ءسىزدىڭ قولداۋىڭىزبەن قازاقستاندا 2010 - جىلدان بەرى «تاريحتان - تاعىلىم، وتكەنگە - تاعزىم» حالىقارالىق اكتسياسىن وتكىزۋ داستۇرگە اينالدى.

بۇگىنگى كۇنى بۇكىل حالىق وسى اكتسياعا قاتىسادى، ونىڭ اياسىندا 2123 ءىس-شارا وتكىزىلىپ، ولاردىڭ قىزمەتىنە 350 مىڭ ادام بەلسەنە ارالاسادى.

بيىل كەزەكتى ەستافەتانى الاش ۇلتتىق ازاتتىق قوزعالىستىڭ وتانى، ۇلى ابايدىڭ تۋعان جەرى - شىعىس قازاقستان وبلىسى سەمەي قالاسى الدى. جالپىۇلتتىق سانا-سەزىمدى دامىتۋ، بەيبىتشىلىك، رۋحانيات جانە كەلىسىم مادەنيەتىن نىعايتۋ بويىنشا تاعى ءبىر ۇلكەن قادام جاسالدى.

ءبىز، «تاريحتان - تاعىلىم، وتكەنگە - تاعزىم» حالىقارالىق فورۋمىنا قاتىسۋشىلار، الەمدە كەڭىنەن مويىندالعان ءسىزدىڭ قوعامدىق كەلىسىم جانە ەل بىرلىگىن ساقتاۋدىڭ ساليقالى ساياساتىڭىزدى تولىق قولدايتىنىمىزدى مالىمدەيمىز.

ءبىز تاريحي سانامىزدى ساقتاي وتىرىپ، ىنتىماقتاستىق پەن سەنىمدىلىكتىڭ ۇلتتىق قۇندىلىقتارىن قالىپتاستىرۋ ارقىلى، ءوزىمىزدىڭ ورتاق ماقساتىمىزعا - قازاقستاننىڭ تۇراقتى دامۋىنا جانە گۇلدەنۋىنە قول جەتكىزەتىنىمىزگە نىق سەنىمدىمىز!

 

2014 - جىلعى 30 مامىردا، سەمەي قالاسىندا وتكەن « تاريحتان - تاعىلىم، وتكەنگە - تاعزىم» حالىقارالىق فورۋمىندا قابىلداندى