شەكتەن شىعۋ

استانا. قازاقپارات - ەرەسەك پەرىشتە قاراماعىنداعىدان ەسەپ الىپ جاتىر.

- ەكى اۋىز سوزبەن باياندا.

- ءتىرى. جۇمىسىنا بارىپ ءجۇر. ءۇمىت وتى بار.

- نەگە ءۇمىت ارتادى؟

- ايتۋ قيىن. ەكى رەت باقىتتى ءتۇس كورسەتتىم. كورمەيدى ەشتەڭەنى. جۇمىستان شارشادىم دەپ ويلايدى.

- جۇمىستا نە قىزىق؟

- ەلدىكىندەي جۇمىس. باستىق. كۇيبەڭ تىرلىك. تەمەكى تۇتىنىنە كومىلۋ. وسەك-اياڭ.

- باستىعى قاتال ما؟

- باستىق - كادىمگى باستىق. بارلىق جەردەگىدەي. قورقادى ودان، نەگە ەكەنىن...

- ۇرەيىن سەيىلتتىڭ بە؟

 - البەتتە! كەڭسەگە بارا جاتقان جولدا. باسىندا تۇرىپ قاناتىممەن سابالادىم. ءتىپتى بۇلتتار دا سەيىلدى. قۇلاعىنان سارت ەتكىزدىم قاناتىممەن. كۇندى بايقاسىن دەپ.

- ادەمى بەيتانىس قىز؟ بىزوكشە كيگەن؟ ءاتىرى جۇپار اڭقىعان؟

- ءتۇۇ، ءسىز دە، ارينە كەزدەستىردىم... بەتپە-بەت، مەترودا.

- سونىمەن؟

- تۇكتە شىقپادى. «كەشىرىڭىز» دەدى دە ارى قاراي ءوز ويىنا ءتۇسىپ كەتتى.

- جۇمىستان كەيىن شە؟

- دۇكەندەر. تەلەديدار. ىدىس جۋۋ. ينتەرنەت. ۇيقى.

- تەلەديداردى كۇيدىردىڭ بە؟

- ارينە. ءبىراق نەگە ەكەنىن جاڭاسىن ساتىپ الدى...

- ينتەرنەت ءوشىردىڭ بە؟

- بەس كۇن قاتارىنان. ول جۇمىستا كەشىگىپ وتىرا بەرەتىن بولدى. ءتۇن جارىمىنا دەيىن. ولاردا سولاي بولادى ەكەن.

- سولاي دە. ال، دەمالىس كۇندەرى؟

- تۇسكە دەيىن ۇيقى. پاتەر جيناۋ. كەشكە دوستارمەن كەزدەسۋ، ماعىناسىز اڭگىمەلەر، اراق ءىشۋ. ۇيگە كەش قايتادى. تاڭەرتەڭ باس جازۋ. كورپە استىنان شىقپايدى. تەلەديدار قارايدى. نەمەسە ينتەرنەتتە وتىرادى.

- ال، قىز شە؟

- وتە جاقىن. ءۇش ۇيدەن كەيىن تۇرادى. كۇندە ءبىر سۋپەرماركەتكە بارادى ەكەۋى دە.

- كەزەكتە ءتۇيىستىردىڭ بە؟

- جارعىدا كورسەتىلگەندەي. ءتىپتى ودان تىس اۆتوبۋس ايالداماسىندا دا، مەرەكەدە دە.

- تاعدىرلارى توعىسۋى ءتيىس پە؟ تەكسەردىڭ بە؟

- ءيا، توعىسادى! ءبارى دە سودان باستالدى ەمەس پە... بۇل ءوزى ەكى ءتۇرلى ءبىر سۇمدىق قالا... تۇسىنىكسىز ءومىر سالتى... قولىمنان كەلمەيدى! جۇزەگە اسپايتىن تاپسىرما!

- اڭگىمەشىلدەرىن! قاتتى اسەر ەتەتىن قۇبىلىستار ءتىزىمىڭ قايدا؟

- مىنە، باسەكە! گريپپ، تەمپەراتۋرا. بۋىن شىعۋ، سۇيەك سىنۋ. اۆتوكولىك اپاتى. بانكروتتىق. ءورت. كوشەدەگى بەيبەرەكەتسىزدىك. قارجى داعدارىسى. ازاماتتىق سوعىس...

- دوعار! جەتكىلىكتى... وسىمەن ەكى ءجۇز سەكسەن بەسىنشى بايانداما، ءبارى ءبىر سارىندى... جۇمىس ىستەۋدى قويدىڭدار، تۇگە! كورشىلەس توراپپەن حابارلاس. ۇلى ماحاببات ءۇشىن شەكتەن شىعۋ ارەكەتىنە رۇقسات الدىم دەپ ەسەپتە. تەك ءبىرىن عانا تاڭدا.

- قۇپ بولادى! ءبىرىن عانا تاڭدايمىن.

 اللا سىيلاعان ءار مۇمكىندىكتى كورىپ، قابىل الىڭىز. پەرىشتەڭىزدىڭ شەكتەن شىعۋىنا جول بەرمەڭىز) ) ) . 

(اۋدارما) 

blogtime